مصر موتورز مجتمع السيارات - العربيات المتقطعة

مصر موتورز مجتمع السيارات (https://www.masrmotors.com/vb/index.php)

- منتدى السيارات العام (https://www.masrmotors.com/vb/forumdisplay.php?f=2)

- - العربيات المتقطعة (https://www.masrmotors.com/vb/showthread.php?t=34635)

رد: العربيات المتقطعة

اقتباس:

المشاركة الأصلية كتبت بواسطة mercedes (المشاركة 245013)

السلام عليكم و رحمة الله و بركاته

و كل عام و أنتم بألف صحة و سلامة بمناسبة عيد الفطر المبارك

بالنسبة لأى عربية معلقة أى نمر سواء , ملاكى أو نقل أو أجرة أو خلافه , لازم يكون ليها ملف فى المرور , عشان كده بتقدر تترخص و تجدد الترخيص و خلافه .

لكن العربية اللى أنت هتجمعها , مش هيكون ليها ملف فى المرور و بالتالى مش هتقدر تعلق عليها أى نوع من النمر ( اللوحات ) و بالتالى مش هتقدر تسوقها فى الشوارع المصرية العظيمة .

هوه ده الموضوع ببساطة و طبعا سيبك من أى حد فلحوس و عامل أنه ناصح و ماجبتهوش ولادة و يقولك , يا باشا , مالكش دعوة , هات أنت بس العربية و أنا هجيبلك الورق بتاعها , لأنه لو كان يعرف , كان هوه جاب عربيات من غير ورق و ضربلها ورق للصبح و حتى لو ضرب ورق و جابهولك , هيبقى تزوير و لو اتمسكت , هتروح فى 60 ............. لأنها بتبقى قضية أمن دولة ( مش عارف ايه علاقة أمن الدولة بالظبط ) و لو ثبت أن فيه حد من الظباط الكبار اللى فى المرور متواطئ فى الموضوع ده , بيتشنير و بيتشنبر , ده غير أن اللى ضربلك الورق ده , لو اتعرف و اتمسك , من أول قلم POLICEEفى القسم , هيقر و يعترف عليك و على كل اللى ضربلهم ورق , حتى لو كانت أمه !!!!!!!!, طبعا , ده غير أنه بيكون حرام جدا لأنك بتكون بتاكل مال عام و ده بيبقى حراااااااااااااااااام , لأنك مهما عملت بعد كده , مش هتعرف ترد المال ده لأصحابه , اللى هما عامة الشعب .

الموضوع ده لو عايز تلعب فيه صح , ممكن تصطاد العربيات اللى بتبقى عاملة حوادث و مدعووووووووووكة على الآخر و تشتريلها عربية نفس اللون و الموديل و الشكل من بره و تقطعها و تبعتها مصر و تصلح بيها العربية المدعوكة دى , أو أنك تروح المزادات بتاع الهيئة العامة للخدمات الحكومية و دى هتلاقى فيها عربيات حالتها زباااااااااااااااالة , ممكن تشتريها و تصلحها بنفس الطريقة , هما دول الطريقين السلام للموضوع ده .

آسف للاطالة و شكرا جزيلا

مرسيدس اس600

الله ينور +1

رد: العربيات المتقطعة

كلام السيد مرسيدس صح الصح وأشكره بالنيابة عنك على التوضيح

رد: العربيات المتقطعة

شكرااااااااااا

رد: العربيات المتقطعة

رد ممتاز جدا وأجابة شافية بس الحتة بتاعت حرام دية وأكل مال البلد يعنى . أنا لو أقدر أخد حقى من البلد دية بأى طريقة هاخدة

رد: العربيات المتقطعة

اقتباس:

المشاركة الأصلية كتبت بواسطة zoomaa2007@maktoob.com (المشاركة 245702)

بس الحتة بتاعت حرام دية وأكل مال البلد يعنى . أنا لو أقدر أخد حقى من البلد دية بأى طريقة هاخدة

السلام عليكم و رحمة الله و بركاته

ماهو المشكلة , انك ممكن تيجى تاخد حقك , تقوم تاخد أكتر منه شوية و كدة تبقى أخدت حق غيرك و ده حرام , أنا شايف ان فيه مشاريع افضل و بتكسب أكتر من كده بكتير ,و ممكن ماتكونش حرام , زى:

تهريب الشباب المصرى البائس اليائس(what) اللى مش لاقى هنا اللضى, الى ايطاليا , أو أى بلد نظيفة فى أوروبا و ممكن نتهاون معاهم فى الفلوس شوية , يعنى مانعملش معاهم زى الناس الجشعة بتوع ليبيا.

المشروع التانى , ممكن يكون زى تهريب السولار الى الأردن و الدول المجاورة اللى السولار فيها أغلى مننا .

و ربنا يكرمفلوس كتير

مرسيدس اس550