مصر موتورز مجتمع السيارات - فى تخبيط أمامى عند دوس الفرامل فجأة ...!

مصر موتورز مجتمع السيارات (https://www.masrmotors.com/vb/index.php)

- ﻻنوس (دايو - شيفروليه) (https://www.masrmotors.com/vb/forumdisplay.php?f=153)

- - فى تخبيط أمامى عند دوس الفرامل فجأة ...! (https://www.masrmotors.com/vb/showthread.php?t=34497)

رد: فى تخبيط أمامى عند دوس الفرامل فجأة ...!

اقتباس:

المشاركة الأصلية كتبت بواسطة corsair (المشاركة 248439)

كلم 140 دليل واتصل بحماية المستهلك وبلغهم وابعتلهم صورة الفاتورة علي الفاكس واسم المحل وعنوانه وياريت كل الناس زيك كدا يا استاذ تامر

كلمت حماية المستهلك على 19588 وللأسف قالولى الفاتورة الى معاية صالحة حتى 15 يوم من تاريخ الشراء !!! ومادام التيل عدى عليه شهرين هما ما يقدروش يعملولى حاجة!!!! بالزمة ده رد؟؟؟؟؟؟

حسبى الله ونعم الوكيل فيهم جميعا !!!!!!!!!!!!!!!!!!!

رد: فى تخبيط أمامى عند دوس الفرامل فجأة ...!

هو كلامهم صح لو في حاله انك عاوز ترجع التيل و تاخد فلوسه
انما ممكن تعمل بلااغ في المحل عادي جدا لانه بيقدم بضاعه مغشوشه.
دا لو في حاله ان التيل مغشوش فعلا و الصنايعي اللي ركبه ركبه صح.
لان ساعات التوكيلات بتعمل افلام كبيره علشان تقنعك انك ممكن تموت لو ما عملتش الصيانه في التوكيل!!!
و يكبروا الموضوع زي ما الموضوع كبر معاك كده بالضبط
اصل حته الحمد لله انك جيت قبل ما التيل يبوظ الدنيا ليه يعني؟؟
ايه اللي حيحصل ما العربيه بتمسك فرامل و الطنابير استحملت التيل لمده شهرين ما حصلش فيها حاجه.
ايه بقي اللي كان حيتدمر من التيل؟؟ العفشه و لا المساعدين و لا بدال الفرامل ههههههههه

رد: فى تخبيط أمامى عند دوس الفرامل فجأة ...!

اقتباس:

المشاركة الأصلية كتبت بواسطة hazem_khidr (المشاركة 250357)

يا عم حازم .. انت ما قرتش الموضوع من اوله والا ايه .. بقولك كان فى تخبيط لما كنت بفرمل .. ولما فكوا التيل لقيته مشروخ منه جزء .. الشرخ ده كان هيبوز الطنابير على المدى البعيد ..
هحاول ابلغ عنهم كغش تجارى .. وربنا يسهل ...

رد: فى تخبيط أمامى عند دوس الفرامل فجأة ...!

مشروخ ازاي؟؟؟؟
التيل عموما بيبقي فيه حاجه كده زي تقسيمه في النص
و ممكن جدا يكون السوسته وقعت هيا اللي عملت الصوت دا.
و عموما انا مش مع او ضد لكن بوضح وجهه النظر المحايده للموضوع
لاني لا شفت التيل ولا سمعت الصوت

رد: فى تخبيط أمامى عند دوس الفرامل فجأة ...!

اقتباس:

المشاركة الأصلية كتبت بواسطة hazem_khidr (المشاركة 250373)

انا عارف التقسيمة بس دا بالزات مكنش فيه ! دا كان جهه فيها شرخ كده زى التصديع والسوسته سليمه وموجوده لما ركبت الأصلى ابو تقسيمه وجربت العربية عند التوكيل اختفى التخبيط تماما !!