مصر موتورز مجتمع السيارات - المطبات خربت بيتي ساعدوني ارجوكم

اقتباس:

المشاركة الأصلية كتبت بواسطة mady_sameh2010 (المشاركة 237606)

بعت عربيتي المازدا بسبب العافشه ومعايا 40000 جنيه عايز عربية كويسه وتستحمل المطبات وقطع غيار متوفره ورخيصه انقذوني ارجوكم اركب ايه
مرسيدس معدل
نيسان صني 99:2000
فورد اسكورت
بيجو 405
وهل ال 406 في حدود امكانياتي
ولا اركب ايه بالظبط
وفقكم الله وحفظكم من كل مكروووه
صديق جديد بالمنتدي فلوس كتير

السلام عليكم و رحمة الله و بركاته

أنا من رأيى يا باشا و مع احتراااااااااااااااام آراء كل الأخوة الأفاضل اللى معانا هنا فى المنتدى أنك تتوكل على الله و تجيب عربية مرسيدس معدل مو 1984 أو 1985 -اللى هى آخر المرسيدس المعدل- و تكون حالتها ممتازة , والله يا باشا هتدعيلى بجد لأنها عربية ولاكلمة و ممتازة و أنا شايف أنها بتستحمل عن كل العربيات التانية .

حضرتك أصلا عارف أنا بفكر أعمل ايه , أنا بفكر أدور بالراحة و أصبر لحد ما ألاقى مرسيدس 230 معدلة موديل 1984 أو 1985 و يكون صاحبها محافظ عليها و مش هاينها و هو أصلا اللى بيجيب 230 بيبقى الفلوس مش فارقة معاه لأنها زمان كانت ضريبتها 300 جنيه ( طبعا دلوقتى بقت 1100 جنيه ) و كانت بتاع المرسيدس المعدلة ال200 , 175 جنيه , المهم , أنا بدور على ال230 اللقطة دى و أول ماشتريها هقوم طالع على بورسعيد و جايبلها موتور زلمكة موديل قبل شهر6-1993 بالفتيس و التكييف , بالكتيييييييييييييير يعمله 8000-9000 جنيه و أركبه و عيش بقه يا باشا , والله هتبقى ركوبة ولا كلمة .

بس لما ربنا ييسر و أفوق من المشاغل اللى أنا فيها و هبقى هقولكم أنا عملت ايه , أصلا هى مش فارقة معايا لأنى مابفكرش اجيب أى عربية من العربيات الجديدة دى, لأن مفيش ولا واحدة فيهم تستحملنى ولا تستحمل الطرق بتاع المنصورة و البلاد اللى حوالينا و أنا أصلا راكب دلوقتى عربية, كده كده قديمة ( بيجو 505 مو 1980 ) و أكيد المرسيدس هتبقى أحسن منها ان شاء الله .

شكرا و آسف جدا للاطالة .

MERCEDES S550