المشاركة الأصلية كتبت بواسطة احمد بدر1978 (المشاركة 237121)

بس ممكن اقولك ان سعرها عالى شوية لان انا قدامى واحدة لانسر 91 خليجى 1300cc فبريكا دواخل فضى اتوماتيك ، تكيف ثلاجة ، باور، سنتر ،انزار ريموت ماتور + فتيس اتوماتيك + عفسة + بطارية + صالون + جنوط اسبور عريض + كاوتش تيوبلس + كاسيت وسماعات +كل دة ب34 دة كلام صاحبها يعنى لسة تنزل

المشاركة الأصلية كتبت بواسطة mahranahm (المشاركة 237131)

حبيب قلبى يا ابو حميد يا عسل
يا عم مأنا عارف بس يا باشمهندس الواحد لما يتزنق لازم يلجأ لحد يخاف علية وانا عارف ان كل اعضاء المنتدى دا محترمين وبيخافوا على بعض ومحدش وحش
انا بهزر يا معلم
خايف ادبس وافرح بشكلها وانا معنديش خبرة
سؤال بأه بما انك فتحت الموضوع
ايه حكاية بلية التكيف دى
ويا ترى التكيف فى امل يشتغل تانى ولا انسى
رد بأه انت صاحى اهو
برضه مردتش
يا ناس هو انتوا زعلانين منى
رد
رد
رد
رد

المشاركة الأصلية كتبت بواسطة mahranahm (المشاركة 237135)

طب يا احمد لما انت قدامك حاجة حلوة كدة مبتقولش لخوك لية وبعدين الانت بتقول عليها دى تخلص على كام انا مستنى ردك ضرورى

المشاركة الأصلية كتبت بواسطة mahranahm (المشاركة 237136)

وبعدين يا بشمهندس احمد يالبتعتبنى انا رافع المووضوع برضة على اخواتى الاسكندرنية ومحدش عبرنى غير اخد كريم وللأسف معرفش يفدنى لانه واضح انه زى يعنى خبرتة قليلة فى العربيات

المشاركة الأصلية كتبت بواسطة hazem_khidr (المشاركة 237195)

اهلا و سهلا استاذ محرم
اطلب بس من حضرتك انك تهدا قليلا
لان الرد علي الموضوع بيحتاج وقت و مش كل الناس فاضيه ترد اكيد فيه ناس وراها اشغال

مافيش حاجه اسمها بليه التكييف تعطله عن انه يشتغل لو فيه بليه في الكمبروسر حيشتغل عادي و العربيه حتسقع بس حيبقي فيه صوت زيها زي بليه طلمبه الميه و بليه الدينامو لحد ما تقفش خالص تقوم معطله الكمبروسر علي بعضه
يبقي انت كده لو البليه عاوزه تتغير يبقي المفروض التكييف يكون شغال
لو التكييف مش شغال يبقي كده الكمبروسر بالسلامه

وايه عرفه ان الردياتير عاوز يتنضف؟؟
و ما نضفوش ليه قبل ما يبعها طالما ناوي يبيع؟
و هل العربيه بتسخن؟؟
عموما اعمل حسابك في ردياتير جديد

يعني ايه كبالن مش شغاله
الكبالن هي المسئوله عن نقل الحركه من الات الجر الي العجلات الاماميه
يعني لو مش شغاله العربيه حتقف مش حتمشي
ممكن تكون بايظه و بتطق طق اوك و بكده تبقي عاوزه تتغير.

من رأيي شوف العربيه و اعرضها عند اي حد فاهم يقولك اللي فيها و يقولك الاصلاحات دي تتكلف كام.
و انا مش حقدر اتكلم في سعرها او تاخدها ولا لاء لاني ببساطه ما شوفتش العربيه و ما اقدرش احكم عليها من غير ما اشوفها