رد: من فضلكم عايز الافاده ضرورى لانوس شيفورليه ولا فيرنا
 

كلام جميل .. يجب ملاحظ ان الفيرنا موتورها اقوي من امكانياتها يعني هتقدر تجري بالعربيه لكن فراملها اضعف من قوة الموتور وده عيب خطير لا يمكن التغاضي عنه .. لاكن الموضوع متناسب اكتر في اللانوس
لكن لو علي فرق سعة الشنطه بالنسبه للفيرنا فطبعا حاجة لا تذكر لان الموضوع متعوض في الصالون الداخلي للانوس وده الاهم طبعا بدون تفكير .
الفيرنا مناسبه اكثر لحديثي السواقه او قليلي الخبره لابعاد السيارة عند القيادة لان ابعادها اوضح واسهل .. طالما بتسوق كويس افضلك اللانوس

وطبعا مهم جدا ان للانوس سعر اعادة بيع اعلي .. اكيد هيجي يوم وهتغير سيارتك

لو عايز تشد بالعربيه اسرع وتخاطر بدون حساب عامل الامان هات فيرنا

لو يهمك الامان هتلاقي اللانوس انسب .. موتور مناسب لامكانيات السيارة وبالتالي الفرامل قادرة علي كبت جماح السيارة نسبيا اكثر من الفيرنا .. صالون اوسع وده شيء اساسي بالسيارة لا يمكن اغفاله في المقارنة بعكس حجم الشنطة اللي مش هتقعد حد فيه ويقولك الشنطة ضيقة :)

ارشح اللانوس وبقوة لاي حد عايز يشتري وبيقارن .. GIFT4U

رد: من فضلكم عايز الافاده ضرورى لانوس شيفورليه ولا فيرنا
 

متنساش ان عامل قوه الموتور بيرجع بالايجاب علي التكيف وعلي عزم العربيه لما بتبقي بكامل حمولتها يعني مركب 4 افراد ومعاك شنط في العربيه

رد: من فضلكم عايز الافاده ضرورى لانوس شيفورليه ولا فيرنا
 

ايه يا ايمن باشا فينك من زمان وبعدين ليه مجتش معانه الناس سئلو عليك
اما انا برشحلك الفيرنا عربيه حلوه وربنا يقدم الى فى الخير

رد: من فضلكم عايز الافاده ضرورى لانوس شيفورليه ولا فيرنا
 

معلش ياجماعة بس أنا لازم أقولكم إن أنا وأخويا معانا لانوس وفيرنا
وبجد اللانوس أحسن من الفيرنا في حاجات كتير قوي
منها مثلا الثبات على الطريق اللانوس احسن من الفيرنا لأن الفيرنا بتعوم بعد
المية خمسة وتلاتين اما اللانوس لأ
كمان القدرة على السيطرة على السيارة في الملفات
بجد بجد الفيرنا كانت حتتقلب في لحظة في ملف عادي قوي لولا ستر ربنا
في حين اللانوس عدت منو عادي قوي

واخيرا ارشحلك اللانوس احسن من الفيرنا بكتيييييييييير4BY4

رد: من فضلكم عايز الافاده ضرورى لانوس شيفورليه ولا فيرنا
 

من وجهة نظرى الفيرنا افضل بمراحل ، توكيل افضل بكتير من شيفروليه ، لو حتجيب ال full option يبقى طبعا و من غير كلام الفيرنا افضل ( فيها مفتاح ريموت و انذار ) مش موجودين فى الانوس ، ده طبعا قوة الموتور اللى الاخوة الاعضاء اتكلموا عليها
ده غير ان الانوس سعرها مبالغ فيه بطريقة مستفزة : الفاضية ب 64 الف ، الكاملة ب 68 الف .
انما الفيرنا الفاضية ب 63 الف و الكاملة ب 67 الف .
موضوع الثبات فى العربيتين واحد ( وعن تجربة طويلة جدا للعربيتين ) : الانوس بعد ال 140 زى الفيرنا بالظبط صدقنى ، و بعدين ده مش عيب ولا حاجة وحشة ، لان انت بتجيب عربية فى حدود الفئة السعرية دى مش مطلوب منها انها تبقى بثبات ال bmw ام نصف مليون .
يعنى هى بتديلك قيمة مقابل السعر ، مش مطلوب منها اكتر من كده . و بعدين السرعة اللى فوق 130 يا جماعة مابقتش مطلوبة فى ظل حالة الطرق اللى مايعلم بيها الا ربنا ( كل 10 متر تلاقى مطب او نقرة ) ، و كمان الزحمة اللى بقت حتى على الطرق السريعة .
لو عايز حاجة ثباتها عالى و بتاعة مناورات يبقى ال m11