مصر موتورز مجتمع السيارات - عوز اروح الاهرمات

اهم حاجة يا باشا و انت داخل الاهرامات هتلاقى ناس كدة واقفة فى اول المطلع و بيقولك اقف علشان تركن العربية و تدفع تذكرة و هيقوم مدخلك حتة غريبة كدة تركن فيها و هى بعيدة جدا و مطلع صعب لو هتطلعه على رجلك ... فاتضطر تاخد منهم عربية بحصان و اقل سعر 60 جنيه ....

أحلق للناس دول تماما كأنهم مش موجودين و كمل طلوع لحد الهرم فوق و ادخل من البوبة عادى هتلاقى عساكر و تفتيش للعربيات وتذاكر النفر ب 2 جنيه و العربية كذلك ب 2 جنيه و تقدر تاخد جولة حوالين الهرم كمان بالعربية أو تركن عادى على هضبة الهرم على بعد 100 متر من هرم خوفو و خد معاك مية ساقعة و عصير من تحت علشان فوق حول الهرم قمة الاستغلال .. هيبعولك المية الصغيرة ب 5 جنيه ,,,,,

و هو عموما مفيش قهاوى ولا شيشة و لا الكلام ده حوالين الهرم من فوق ... بس ممكن تنزل كدة منطقة فيها بازارات و زحمة شوية كدة اعتقد دى فيها قهاوى

ورحلة سعيدة ان شاء الله