مصر موتورز مجتمع السيارات - تحديد السرعة القصوى للأعضاء 110 كم يا ريت كلنا نتعاون.

مصر موتورز مجتمع السيارات (https://www.masrmotors.com/vb/index.php)

- منتدى السيارات العام (https://www.masrmotors.com/vb/forumdisplay.php?f=2)

رد: تحديد السرعة القصوى للأعضاء 110 كم يا ريت كلنا نتعاون.

اقتباس:

المشاركة الأصلية كتبت بواسطة MEMOO_1ST (المشاركة 224667)

انا متفق معاك 100 في ال 100ROSE4U ROSE4U ولكنGIFT4U احنا لازم نبتدي بنفسنا يعني لو الدولة معملتش الاجرائات دي ممكن احنا نعمل الجزأ الي علينا من خلال ان احنا نقلل سرعاتنا ونخلينا ملتزمين بأقصى سرعة وهيا 110 كم وممكن لو مفيش اي ارشادات على الطريق نمشي 80 كم في الطريق ولو الطريق ضيق او مش ممهد كويس نمشي 60 كم هوا الموضوع ممكن يكون ممل شوية لكن صدقوني هتحس ان انتا مرتاح وانتا سايق و لازم كل شوية تفتكر ان فية ناس معاك في العربية انتا المسؤول عنهم ولو لوحدك تفتكر ان فية ناس مستنياك في البيت يا ريت نبتدي احنا بنفسنا وسواء الحكومة عملت دا او لأ احنا الي نخاف على نفسنا وعلى بعضنا مش الحكومة الي تخاف علينا اكتر.

و الله كلام زي الفل انا هانفذ الموضوع ده ان شاء الله

رد: تحديد السرعة القصوى للأعضاء 110 كم يا ريت كلنا نتعاون.

كلام جميل والله يا رجالة عاوزين العدد يزيد علشان ربنا يسترها معانا جميعاً ونبتدي بنفسنا.

رد: تحديد السرعة القصوى للأعضاء 110 كم يا ريت كلنا نتعاون.

انا موافق لانى اصلا ملتزم بهذه السرعات

رد: تحديد السرعة القصوى للأعضاء 110 كم يا ريت كلنا نتعاون.

فكرة جميلة جدا و ياريت ننفذها و انا اولكم ، لان انا لما بركب عربية موتورها متعفرت مش بامسك نفسى ، بس فعلا الواقة الهادية مافيش احلى منها .

رد: تحديد السرعة القصوى للأعضاء 110 كم يا ريت كلنا نتعاون.

على فكره بحسبه رياضيه سهله جدا لو انت روحت مشوار 200 كيلو ومشيت على سرعة 100 توصل فى ساعتين وانت مرتاح وهادى الاعصاب لكن لو مشيت نفس المشاور ده على سرعه 150 كيلو ها تاخد زمن ساعة وثلث والفرق كله 40 دقيقه وانت ماشى رايق وموفر بنزين ومحافظ على حياتك وبتضحك واخر روقان من انك ماشى على 150 كيلو وقاعد ساعه وثلث متحفز ومركز مليون فى الميه ومتعصب ومش مستحمل دبانه تعدى قدامك وبتحرق بنزين زياده وبتضغط على موتورك وبتعرض حياتك ومن معك والمسئولين منك للخطر واللى ماشين حتى جنبك فى الطريق وملهمومش ذنب فى انك بتجرى ده مش يبقى مخاطره دون فرق يذكر