رد: ** أوقفوا نزيف الأسفلت !!!!!!!!!!! **
 

والله يا باشا بدون مبالغة
لما كنت فى الاجازة اللى فاتت بحس انى غير آمن على حياتى و انا ماشى فى طرق و شوارع مصر..

طبعا لكل أجل كتاب و الحمد لله كلنا مؤمنين بس فعلا الاهمال فى مصر واللا مبالاه و الاستهتار بكل شى حتى ارواح البشر وصل إلى درجة لا يمكن السكوت عنها ابدا

مفيش قانون اصلا ولا فيه التزام و المهمة الاسمى للشرطة و المرور هى تحرير المخالفات فقط لا غير ,,, الا ما شفت ظابط مرور بيحالول يساعد حد ولا يرشده الى طريق ... دا انا فى الكويت مرة ظابط مرور قطع لى الاشارة بعربيته و دخلنى الشارع علشان اعدى بعربيتى فى مرة كنت تايه .. والله العظيم حصلت

هنا فى الكويت لما بكون داخل تقاطع والله العظيم ببقى انا واللى داخل معايا تقريبا بنعزم على بعض مين اللى يدخل الاول

اما فى مصر فكنت دايما ماشى فى سبق مع اللى جنبى واللى ورايا و حتى مع الناس اللى بتعبر الشارع ولا فيه ذوق ولا اخلاق و لو اتأخرت ثانية فى اشارة تلاقى ميت الف كلاكس فوق دماغك زى ماتكون الدنيا طارت و خلصت

يعز عليا قوى انى الاقى فى بلدى (بلد الحضارة) هذا المستوى الفظيع من التخلف
و اجد فى بلاد اخرى اقل منا بكثير فى كل شيء هذا المستوى من الرقى ...

لك الله يا مصر

رد: ** أوقفوا نزيف الأسفلت !!!!!!!!!!! **
 

والله حضرتك لخصت اللى كنت عايز اقوله فى 3كلمات..وربنا يستر

رد: ** أوقفوا نزيف الأسفلت !!!!!!!!!!! **
 

المشكلة لها عدة جوانب وكلها تصب فى جعبة الفساد والرشاوى والمحسوبية

ماهو لو مافيش فساد ولا رشاوى مقاول الطرق حيعملها زى الفل والمهندس اللى حيستلم حيستلم على الشعرة واللى اختار المقاول مش عشان مظبط الدنيا واكل الناس حيبقى عشان هو شغل كويس و اختبار السواقة الفاشل بتاع المرور الخاص بالرخص والمحسوبية فى تطليع الرخص وامين الشرطة الل بياخد فلوس فى ايده عشان يعدى النقل والملاكى المخالف الى جانب الوسايط

الموضوع دائرى متصلة مش حوداث مرور وبس الاساس غلط ومابنى على غلط فهو غلط

رد: ** أوقفوا نزيف الأسفلت !!!!!!!!!!! **
 

تمام يا باشا

إنما الأمم الأخلاق ما بقيت .... فإن هموا ذهبت أخلاقهم ذهبوا

رد: ** أوقفوا نزيف الأسفلت !!!!!!!!!!! **