مصر موتورز مجتمع السيارات

اقتباس:

المشاركة الأصلية كتبت بواسطة MosTafaFox (المشاركة 9966)

اكيد تستاهل والا مكانتش استولت على ثقة واعجاب المصريين واكيد شعوب تانيه كتير يمكن 20 سنة واكتر
بس ياترى اقتناء سيارة من ديه دلوقتى مجدى ولا اضاعة للمال وايه افضل الموديلات منها فى رايك ؟

ال 131 عربيه حلوه بس اهم حاجه تكون حالتها نضيفه شاسيه و ابواب و تابلوه و موتور
لو حالتها حلوه حتبقي احسن من الشاهين بمراحل

اقتباس:

المشاركة الأصلية كتبت بواسطة islam_galal (المشاركة 9973)

معروف برضه إن مبني عليها الشاهين
و لكن بموتور تمبرا

جزاك الله خيرا يا حزوم

الله يخليك يا اسلام باشا شكرا لمرورك:)

اقتباس:

المشاركة الأصلية كتبت بواسطة AboNoRa (المشاركة 9975)

هو اللى بموتور التمبرا الشاهين ولا الدوجان ptmnlo123per1127

على العموم هو موضوع قيم فعلا واشكرك يا حازم عليه

العفو يا وائل باشا
بص يا سيدي
الشاهين و الدوجان اتصنعوا في مصر من 1991 او 1992 مش فاكر بالضبط
كانوا بينزلوا بموتور ال 131 القديم الكامه واحده السفليه اللي صوته خشن دا و 1600
بعد كده الشاهين من سنه 1996 بقت بموتور 1300 و برضه كامه سفليه(تقنيه قديمه)
و دي كنت تلاقي زرار الانتظار لونه احمر
و الدوجان نزلت بموتور 1600 اللي هو موتور التمبرا و كامه واحده برضه لكن علويه
انتهي انتاج الدوجان سنه 1998 او 1999 متهيالي.
سنه 1997 نزلت الشاهين بموتور تمبرا ايضا لكن 1400 و الدوجان 1600.
بعد كده من سنه 2005 او 2006 نزل من الشاهين 1600 و 1400
و نزل منها كماليات يعني بقت هيا هيا الدوجان
كان الفرق بين الدوجان و الشاهين ان الدوجان كماليات و الشاهين فاضيه
لكن تقفيل الدوجان و خامتها كانت انضف من الشاهين بكتير

اقتباس:

المشاركة الأصلية كتبت بواسطة Nissan (المشاركة 9982)

الف شكر يا حازم و الصور جميلة جدا

العفو يا نيسان انت تؤمر:)