|
رد: موضوع هام عن الجنوط.....برجاء الرد
اقتباس:
عاش من شافك:) عندي ليك سؤال و ارجو الاجابه بعد اذنك بخصوص الجنوط برضه انا ركبت طقم جنوط تايلاندي و رصصت علي جهاز قديم (كان جهاز بمؤشر و شكله قديم) و رصصت الرصاص اللصق اللي بتقول عليه من جوه بس لاحظت ان العربيه فوق ال100 الدركسيون بيترج جامد قمت مركب رينجات و عملتها تيفلون و راكبه كبس زي ما حضرتك بتقول و جربت العربيه اصبحت الرجه اخف من الاول هل معني كده ان الترصيص كان وحش؟؟؟؟ فيه واحد صاحببي قالي ان الجهاز اللي رصصت عليه مش مضبوط و قديم و رصص عند واحد تاني بس خليه يحط رصاص عادي من جوه و بلاش اللزق دا هل الكلام دا صح؟؟ و هل لما ارصص الكاوتش تاني الغربله اللي في الدركسيون حتنتهي بأذن الله؟؟ معلش طولت عليك في الاسئله و كل عام و انتم بخير:) |
رد: موضوع هام عن الجنوط.....برجاء الرد
اقتباس:
تعيش يا قمر وآسف على الغيبه دى على البركه الجنوط الجديده بص اى رجه فى العربيه على اى سرعه وخاصه ما بين 80 الى 120 بعد تركيب الجنوط الجديده فده ترصيص ترصيص من هنا لبكره واوعى تعمل حاجه فى العفشه روح لحد عنده جهاز ترصيص كومبيوتر بشاشه تتش والصح انك ترصص لزق جوه وبره او تتفق مع بتاع الترصيص انه يرصص زى ما هوا عايز بس متحاسبوش الا لما تستلم منه نتيجه صح انا مشكلة حياتى الترصيص لان الجنوط الرياضيه حساسه اوى بالنسبه للترصيص وبالتوفيق وابقى طمنى عليك ولو احتجت اى حاجه اتصل بى فى اى وقت تحت امرك رقمى فى التوقيع |
رد: موضوع هام عن الجنوط.....برجاء الرد
متشكر جدا يا شباب على ردكم عليا وحقيقى افدتونى جدا حتى انا بقيت باتكلم مع بتوع الجنوط والكاوتش وانا فاهم
انا عموما رسيت خلاص على الجنط وهوا 15 انشاء الله والكاوتش زى ما تفضل عصام باشا وقالى كموهو واتقالى الفردة ب 390 فكدة اشطة ولا ايه؟؟؟؟ معلش انا عندى سؤال تانى موضوع ظبط الزوايا....انا سمعت ان الزوايا متظبطش ابدا بعد تركيب الجنط الكبير هل ده صح ولا غلط؟؟ ولو صح اية العمل؟؟؟واروح اظبط زوايا قبل ماركب الجنط الجديد ولا بعد ما اركبه؟؟ حاجة اخيرة اسعار الرنجات كام؟؟والترصيص كام؟؟ |
رد: موضوع هام عن الجنوط.....برجاء الرد
انا اسف يا جماعة انا عضو جديد لاسرتكم الجميلة دى وكان ليا استفسار معين عن الجنوط ومشاكلها انا مركب جنوط عادية ومعرفش اى معلومة عن الجنوط خالص وكنت حابب اغير بس صديق ليا قاللى اوعى تغير لجنوط كبيرة ورفيعة عشان ده غلط على العفشة و ثبات العربية على الطريق ياتري الكلام ده صحيح ولا ايه وياريت لو حد عنده معلومة عن مشكلتى ياريت يقوللى عشان انا كنت عاوز اركب قبل العيد
|
| الساعة الآن 08:48 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017