مصر موتورز مجتمع السيارات - استفسار بخصوص اسبرانزا m11

مصر موتورز مجتمع السيارات (https://www.masrmotors.com/vb/index.php)

- M11 , M12 (https://www.masrmotors.com/vb/forumdisplay.php?f=190)

- - استفسار بخصوص اسبرانزا m11 (https://www.masrmotors.com/vb/showthread.php?t=31409)

رد: استفسار بخصوص اسبرانزا m11

اقتباس:

المشاركة الأصلية كتبت بواسطة usama1 (المشاركة 221393)

الاخوة فى المنتدى انا ناوى اشترى عربية اسبرانزا m11, ولكن بصراحة انا متردد العربية عجبانى جداً ولكن درجة جودة خامتها وبعض المشاكل الى قرأت عنها جعلتنى اتردد كثيرا وهل هى مثل العربيات الكورى مثلا وهل مشاكلها محلولة ولا اصرف نظرى عنها وابحث عن موديل مضمون
ارجو اعانتى فى حيرتى ولكم منى جزيل الشكر

مساء الخير ..
أحب أقول لحضرتك بلااااااااااااااااااااااا اااااش M11 .. و دى نصيحة لوجه الله ..
أنا معاى العربية دى من شهر أكتوبر 2009 .. أنا عندى كمية ايصالات بعدد زياراتى لمراكز الصيانة ( اما لوجود مشاكل أو عمل صيانة دورية) تقدر تقول انى تقريبا كل 3 اسابيع لازم أروح هناك..
كلنا اعجبنا بشكل العربية و شياكتها من جوة و برة .. بس بعد كده عرفنا ان العربية مش شكل و بس.. فى حاجات تانية أهم بكتييييييييييييييير...
بصراحة ما تسألنيش عن مشاكل العربية لأنها كتيير و قتلت بحثا هنا فى المنتدى و منتديات تانية كتير.. و الكلام ده مش كلامى لوحدى ... ده كلام ناس كتير معاها العربية و حضرتك تقدر فى خمس دقايق تشوف كل مواضيع الأم11 و تعرف العيوب من ملاكها بالتفصيل..
و ربنا يهديك للقرار الصحيح..
و أنا تحت أمرك فى أى استفسار
د/أحمد حسين
0103719436

رد: استفسار بخصوص اسبرانزا m11

د/ احمد حسين
اشكر حضرتك على المشاركة والاجابة على استفسارى
بالفعل كثيرون اشتكوا من العربية ولكنى اعتقد ى ظل سعرها وكماليتها تعتبر معقولة بالنسبة لانواع اخرى سعر كبير وامكانيات قليلة,,, هى بالقعل حيرة ويبقى فى النهاية انا فلوس سوف تدفع فيجب التأنى والسؤال قبل الشراء.... وانا مازلت فى حيرتى ما اشترى بمبلغ فى حدود 75000
واشكركم جميعا

رد: استفسار بخصوص اسبرانزا m11

العربيه معايا من اوائل شهر يونيو 2010
وخلاص هقفل ال 5000 كيلو
ماشاء الله عليها كلمه جميله عليها شويه
ومع احترامي للجميع
ولا مشكله من الي بتتقال هنا واجهتني الحمد لله و الشكر لله
العربيه فعلا جميله وتناسب احتياجاتي
لاني من الشخصيات الي بتحب السرعه
والعربيه ثابته جدا ماشاء الله وتناسب جدا الغرز و السرعات و تحمل الاسلوب القاسي
سحبها تفوق علي عربيات كتير
ودخلت فيها سباقات اكتر منظمه باماكن متخصصه بالسباقات
واخت بيها مركز اول
تفوقت علي الانسر و الكورولا هتقولي ده مثلا مهارات سواقه بس برضو العربيه ليها عامل و جبار
توكل علي الله
العربيه ممتازة

رد: استفسار بخصوص اسبرانزا m11

انا بالفعل نويت اشترى العربية حاسيس انها من نصيبى من اول مره شوفتها من حيث الشكل وكماليتها وربنا يوفق الجميع وهاستنى موديل 2011 ولكن ارجو من جميعه الاخوة نصيحتى وارشادى عن اهم مزاياها وعيوبها بعد تجربتها حتى اكون على نور وان باشتريها ولكم منى جزيل الشكر

رد: استفسار بخصوص اسبرانزا m11

http://www.masrmotors.com/vb/showthr...t=30250&page=1
اتمنى الموضوع دة يفيدك ورمضان كريم