مصر موتورز مجتمع السيارات - مسافرين بعد بكرة و عايز أسأل كام سؤال

مصر موتورز مجتمع السيارات (https://www.masrmotors.com/vb/index.php)

- Hyundai Matrix - ماتريكس (https://www.masrmotors.com/vb/forumdisplay.php?f=135)

- - مسافرين بعد بكرة و عايز أسأل كام سؤال (https://www.masrmotors.com/vb/showthread.php?t=30390)

رد: مسافرين بعد بكرة و عايز أسأل كام سؤال

بسم الله ما شاء الله
ثلاث مشاركات تقلها دهب الصراحه:)
احب اضيف انك تخلي بالك في مطروح و تلبس الحزام دايما لان المرور هناك بيتلكك
قائد المرور هناك من المحله و انا عارف تفكيره كويس:)

رد: مسافرين بعد بكرة و عايز أسأل كام سؤال

مبروك على العربية
بس خد بالك ان فى ردار فى دخلة مطروح السرعة 60
وعلى الطريق مرس مطروح الاسكندرية السرعة100

رد: مسافرين بعد بكرة و عايز أسأل كام سؤال

جميل و الله الردود كلها
بسم الله ما شاء الله على الأعضاءمبروك على العربية و ربنا يبارك لك فيها
مش هضيف حاجة فنية فى الملاحظات
بس أوعى تنسى دعاء الركوب
و توصل بالسلامة ان شاء الله

رد: مسافرين بعد بكرة و عايز أسأل كام سؤال

اقتباس:

المشاركة الأصلية كتبت بواسطة corsair (المشاركة 214782)

الف مبروك علي العربية وان شاء الله توصل بالسلامة لو انتا عملت صيانة الالف يبقي مفيش اي مشكلة وتوكل علي الله والماتريكس بسم الله ما شاء الله تسافر اسوان رايح جي بدون راحه اللهم لا حسد انا ماسك الخشب هههههههههههههههه

بص يا جميل مفيش مشكلة انك تريح في نصف الطريق علشان انتا بردك ترتاح شوية من السواقة

لكن العربية بسم الله ما شاء الله تستحمل سفر متواصل

الباور بيفصل في الماتريكس تقريبا بعد ال 80 كيلو

وربنا يسترها عليك وتوصل بالسلامة

شكرا يا مسترCorsair على معلوماتك القيمة بس هو غالبا كدا هناخد رست مرتين عشان الزهق
و ان شاء الله انزل اشيك عاى الكاوتش بليل

رد: مسافرين بعد بكرة و عايز أسأل كام سؤال

اقتباس:

المشاركة الأصلية كتبت بواسطة AboNoRa (المشاركة 214790)

توصل بالسلامة ان شاء الله
وزى ماقال كورسير بالظبط العربيه تسافر وتيجى على الطوالى مفيش مشاكل
بس طبعا تكون باصص على الكاوتش قبل ماتسافر كويس بما فيها الاستبن والعدة بتاعتك
مستويات الزيوت والسوائل فى العربيه
ووانت ماشى تاخد بالك من مؤشر الحرارة
متقرصش على المكنه لمدة طويلة ومتمشيش على سرعة واحدة لمدة طويلة
يعنى مثلا لو هتمشى على سرعة 100 يبقى تفضى ماشى 80 - 90 - 100 - 110 وتشيل رجلك من على البنزين لحد ماترجع 80 وتكمل تانى وممكن تمشى ال 80 - 90 على الغيار الرابع وبعدين تنقل الخامس

ديه حاجات تريح العربيه اكتر والرست برضو كويس سواء للعربيه او لتركيز اللى سايق ممكن تقف مرة او اتنين طول الطريق وكل مرة نص ساعة كويس اوى

بجد شكرا على المعلومات الروعة دى
و ان شاء الله بليل هنزل اشيك على كل حاجة