مصر موتورز مجتمع السيارات - الاكسل الاكسس اللانوس البرايد

مصر موتورز مجتمع السيارات (https://www.masrmotors.com/vb/index.php)

- مقارنات (https://www.masrmotors.com/vb/forumdisplay.php?f=174)

- - الاكسل الاكسس اللانوس البرايد (https://www.masrmotors.com/vb/showthread.php?t=30201)

رد: الاكسل الاكسس اللانوس البرايد

اقتباس:

المشاركة الأصلية كتبت بواسطة ashraf flfl (المشاركة 213777)

هيونداى اكسنت 1300 كويسة وناعمة وقطع غيار رخيصة

هى بصراحة اقرب العربيات إلى قلبى بس عيبها ان ما فيهاش باور وأنا ماينفعش استغنى عن الباور .

وكمان انا عايز معلومات اكتر عن العريبة ، ياريت تفيدنى بيها .

رد: الاكسل الاكسس اللانوس البرايد

اقتباس:

المشاركة الأصلية كتبت بواسطة المناور (المشاركة 213783)

بالنسبة للانوس هى معاك ولا كلامك من واقع قراءة ومتابعة ؟ يعنى ياريت تفيدنى اكتر من واقع خبرتك بالعربية عن مميزاتها وعيوبها .
.

انا فعلا كلامى عن واقع انا معايا العربية من الزيرو لحد 197000 كم لغاية دلوقتى لسة معايا و الصراحة عربية عملية و توئدى الغرض الى هو تشغيل اقتصادى مع كماليات معقولة مع رخص قطع الغيار و احتلت مكانة ال 128 كسيارة اقتصادية و كل الميكانيكية بيفهموا فيها ده حتى انا مبقتش اروح لميكانيكى غير للشديد القوى لانها سهل صيانتها و اعطالها نادرة و سهلة و معروفة و قتلت بحثا و بما انك مبتحبش الجرى فدى ميزتها مقارنة بالهيونداى

رد: الاكسل الاكسس اللانوس البرايد

زى ما قال الاستاذ احمد اكسنت جميلة جدا و بها كل اللى يناسبك خصوصا ال 1500 لان بها باور
مميزاتها
عملية جدا - سهلة الصيانة لانتشارها - بها الكماليات كافية ( باور - زجاج كهربا امامى - سنتر لوك - فتح التنك و الشنطة من الدخل - طبعا تكييف ) اقتصادية فى البنزين - قطع غيار رخيصة
انا معايا العربية و جايبها مستعملة لكن الحق يقال العربية فعلا حلوة و بنت حلال
العيوب
العربية واطية - منتشرة كتاكسى - ال 1300 مافيهوش باور و الدريكسيون تقيل - التابلوه بتاعها بيتحجج عشان يشقق يعنى صعب تلاقيه اكسنت تابلوها مش مشقق الا لو واحد بيخبيها عن الشمس

هى و الانوس قريبين من بعض
اتمنى اكون افدتك باللى اعرفه عن تجربة

رد: الاكسل الاكسس اللانوس البرايد

ايه يا باشا والله عربيتك حلوه وخساره فيها البيع انا بردو طلعت في دماغي من اسبوع كده موضوع البيع وكنت هجيب اكسنت بردو بس انا قررت اصبر شويه واجيب حاجه احسن وانا رئي ليك يا باشا اصبر شويه ربنا يكرمك وتجيب كرستاله او لانوس . وانا رئي اكيد الانوس احسن من الاكسنت

رد: الاكسل الاكسس اللانوس البرايد

انا زيك تمام ابحث عن سيار ناعمه و موفره فى البنين و قطع الغيار ولكنى وجد اكثر من اختيار
كوسا و بولو و بونتو وكل ده موديل ٢٠٠٠ و ىعمل من ٣٥ : ٤٠ حسب الحاله
ولكن اﻷكثر انتشار و أﻷرخص اﻷكسنت موديل ٢٠٠٠ ١٣٠٠ cc
عربيه موفره فى البنزين وقطع الغيار
و لو جت على البور معظم اﻷكسنت مركب بور و شغال زى الفل
انا عن نفسىناوى ان شاء الله اجيبها الشهر الجاى

و بالمناسبه والدى معاه لاوس ٢٠٠٧
عربيه واطيه جدا
استهلاك بنزين جدا خاصه فى حاله التكييف

اكسنت مع ابن عمى احسن ١٠٠ مره منها