|
رد: أسوأ توكيل توكيل الأمل _ تجربة ال 1000
يا جماعة انا مش سلبى ولا حاجة بس قبل اما اروح التوكيل لقيت فى كتيب الضمان
نقطة هى اللى خلتنى متكلمش وازعق مكتوب بنفس النص كالاتى الضمان لا يشمل التيل والسيور وخراطيم المحرك وقالولى زى ماهو مكتوب بالظبط وقالوا كمان ممكن تركب تيل تويوتا 94 هو على مقاسها بالظبط وحسبنا الله ونعم الوكيل على الظلم وشكرا لمشاركتكم بالموضوع واعذرونى لتاخيرى فى الرد لان خدمة النت كمان زى التوكيل تخنق |
رد: أسوأ توكيل توكيل الأمل _ تجربة ال 1000
عموما انا لومكانك هركب تيل التيوتا مفيش مشاكل يعنى
بس متضايقش نفسك وتتخنق من العربية بلعكس العربية جميلة جدا برأى ملاكها ومشفتش حد اشتكى منها ومبروك علعربية واستمتع بيها |
رد: أسوأ توكيل توكيل الأمل _ تجربة ال 1000
اقتباس:
فعلا العربية جميلة وعجبانى خصوصا فى السفر وهركب التيل بإذن الله ومتشكر جدا لمتابعتك الموضوع جزاك الله خيرا |
رد: أسوأ توكيل توكيل الأمل _ تجربة ال 1000
يا جماعة اللى عايز ينضم لى فى شكواى لجهاز حماية المستهلك يبعتلى على الميل بتاعى
وانا ماشى فى اجراءاتى وانشاء الله اخذ حقى وحق الناس اللى الآخرين المشكلة معايا بدأت بعضة فى الفتيس خاصة الاول والثانى وصوت شخللة وبعدها رحت التوكيل وقبلنى ايميل وقلى يا باشا حنظبطها بس انت متقللفش وبعدها قلى ان العيب فى وحدة البيئة الكلام ده قبل ما اكمل 1000 كيلو وعند ال2000 لقيت الدبرياج عالى قوى ورحت وظبطه ومفيش 200 كيلو لقيت العربية بتسحب لوحدها وعداد RPM أعلى من 2 قالوا لى ان الحساس فيه مشكلة وحنرجلشه وبعد ما تنحت معاهم جابوا واحد جديد وعند الـ 5000 كيلو وانا على طريق الواحات قطع الدبرياج الدواسة نزلت ومفيش منطق رحت اجرت ونيش علشان لمل اتصلت بالبهوات بتوع التوكيل قالوا لى ان الونيش فيه مشكلة ورحت التوكيل وقابلونى بمنتهى البرود ديه مشكلة ماستر دبرياج حنغيره وكله حيبقى تمام مفيش 100 كيلو وقطع تانى رحت وبكل برود قالوا لى رجللك خفيفة يا باشا على الدبرياج (الامور سامح الميكانيكى) وبعد ما استلمت العربية برده 100 كيلو وقطع الدبرياج رحت جيبت ميكانيكى متخصص من خارج التوكيل وقال لى بالحرف الواحد لا ماستر اتغير ولا حاجة دول اشتغالوك يا باشا والدليل على كلامة ان كل المسامير عليها البوية بتاعت مصنعها اتصلت بالبهوات علشان يبعتوا لى ونيش (عل الرغم انى ساكن بجوار معرض مصر الجديدة اللى فى الكوربة) قالوا لى الونيش بره بيجيب حادثة من الهايكستب رحت أجرت ونيش على حسابى وقطرت العربية قالوا لى سيبها لاغيت بكره واحنا حنتصل بيك اتصلوا بى وقالوا كله 100% ياباشا تعالى استلم العربية زى الفل واستلمتها بس راكنها بقالى اسبوعين لظروف السفر خشية ان تعملها معايا وانا على طريق السفر انا دلوقيت قدمت شكوى ضدهم فى 5 جهات اذكر منها 1- مصلحة الرقابة الصناعية (خلف نادى السكة الحديد- مدينة نصر) 2-جهاز حماية المستهلك (أحمد عرابى المهندسين) 3-الهيئة العامة للمواصفات والجودة (شارع الكابلات المطرية) 4- الغش التجارى (القصر العينى - القاهرة) 5-الهيئة العامة للرقابة على الصادرات والواردات (برج معروف- وسط البلد) لذا من يريد الانضمام لى فى شكواى بغرض الحصول على أفضل خدمة وحقوقنا فى عيوب الصناعة اللى اسادة المحترمين ما قداروهاش يبعت لى على الميل بتاع ahmedmaster2@yahoo.com وربما يكرمنا لاستجلاب حقوق الناس الضايعة |
رد: أسوأ توكيل توكيل الأمل _ تجربة ال 1000
ياجماعة أنا عايز أقولكم ان حماية المستهلك اتصلوا بيا ومستنين الرد بس سيتم الرد بعد ما أرجع من السفر
ولازم نقف وقفة صح علشان ما ينضحك عليانا وعلى سواقين التاكسى الغلابة كل واحد يظهر معاه عيب يرسلى على الميل بتاعى وانا على اتصال بالجماعة بتوع الصناعة لانى باعمل فى مؤسسة صحفية كبيرة ahmedmaster2@yahoo.com |
| الساعة الآن 06:37 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017