رد: استهلاك البنزين نار و معرفش السبب و ارجو المساعدة
 

يا جماعة مفااااااااجءة و مش لاقى لها تفسيرررر
امس و انا بفول التانك قولت احط منظف دورة الوقود من نوع ال stp قولت يمكن ينظف دورة الوقود و يقلل الاستهلاك شوية كده و قلت اتكل على الله النهاردة و اعمل شوية مشاوير اشوف فيها الاستهلاك عامل ايه قبل ما ادخل رحلة العذاب مع الميكانيكية لمعرفة العيب و فعلا دورت العربية الصبح فشعرت انها افضل و اتكلت على الله و لقيت تحسن عالى فى السحب و الغيار الاتوماتيك مع نعومة فى صوت الموتور المهم انا ساكن فى منتصف شارع فيصل قمت طالع على الدائرى و منه الى كورنيش المعادى و صولا الى حلوان ثم من حلوان روحت القصر العينى ثم روحت العجوزة و رجعت الجامعة و بعدين رجعت الى كوبرى اكتوبر و منه الى مدينة نصر ثم رجعت الى العجوزة ثم روحت المعادى ثانى و طلعت الدائرى حتى الريوطية هرم ثم مشيت فى شارع الهرم حتى المساحة و بعدين لفيت و رجعيت اثناء هذا كانت السرعة ما بين 60 الى 80 كم و فى الدائرى جبت 110 و طبعا فى اشارات و مطبات و تهدئة يعنى باختصار حبيت احط العربية فى ظروف متوسطة للشغل و اثناء ذلك كنت ابص على عدادات الكم و البنزين فاجد ان مؤشر البنزين تقريبا ما بيتحركش قولت عليه العوض ادى كمان مؤشر البنزين و العوامة طاروا وانا مروح فت على البنزينة اللى فى الاوبرج بالهرم و قلت افول و اشوف الاستهلاك المهبب كالعادة وهنا كانت المفاجااااااااة عامل البنزين جيه يزود بنزين لقى العربية فل قالى يا باشا العربية مفولة قولتلوا يا راجل قول كلام ثانى ازاى اللى انته بتقولوا ده انا عامل مشاوير بالعربية النهاردة عملت يجى 110 كم على عداد الكيلومترات وقلتولوا حاول ثانى و بالعفية خدت 7 لتر منهم اثنين لتر فى الارض من ضغطى على الراجل و بقيت مش مصدق لا انا و لا عامل البنزينة لدرجة انى لما قلتله على المشاوير اللى عاملتها حسيت انه عايز يقلى بطل فشر و هجس
يا جماعة انا فعلا مش مصدق و هل ممكن يكون المنظف هو اللى عمل ده كله فى اقل من يوم
اكرررررررر110 كم باستهلاك متوسط 6 لتر معقوللللللللللللللللللللل للللللللللل و هل سيستمر هذا الاداء و لا بعد ما التفويلة هتنتهى هيرجع الاستهلاك الغبى تانى جاوبونىىىىىىىىىىىىىىىىىىى ىىىى ارجوكم<!-- google_ad_section_end -->

رد: استهلاك البنزين نار و معرفش السبب و ارجو المساعدة
 

باشا الكلام دا حقيقي فعلا انت حطيت دورة تنظيف البنزين وعملت كدا انا بردو بعانى من نفس المشكلة بتاعتك معايا نوبيرا 1 وغيرت الرشاشات وبردو بتستهلك بنزين ومش عارف اعمل ايه بجد الكلام دا حقيقي ولو حقيقي ياريت لو سمحت تقولي اسم منظف دورة الوقود ونوعه وبدل الصنع واشترتيه من انهي محطة وهل العربية مستمر في المعدل الطبيعي ام رجعت تانى للتخلف ويارب

رد: استهلاك البنزين نار و معرفش السبب و ارجو المساعدة
 

و الله يا باشا انا نفسى كنت مستغرب من اللى حصل و الحمد لله لغايت دلوقتى عملت حوالى 90 كيلو و كلهم جوة البلد و فى الزحمة و مؤشر البنزين منزيلش يعنى دليل ان الاستهلاك قليل جدا رغم ان العربية 2000 سى سى
انا برده كنت زيك لما كنت اروح للميكانيكية يفتوا بتغيير الرشاشات و البوابة فقلت اجرب الحل بتاع المنظف و مش هاخسر حاجة هتلاقى ثمنه بين 20 الى 25 جنيه و انا جبته بـ 22 جنيه من بنزينة فى حسن محمد بشارع الهرم و باعتقد هتلاقيه فى اى بنزينة محترمة قولهم عايز منظف دورة الوقود نوع stp و ضيفه على تفويلة و يا رب يكون سبب فى حل مشكلة البنزين لانها فعلا مشكلة بتضايق

رد: استهلاك البنزين نار و معرفش السبب و ارجو المساعدة
 

الي حصل مع حضرتك ان حساس الايدل كنترول كان مليان طين
ولما حطيت المنظف خلي الحساس يشتغل كويس
لو لا قدر الله حصل الاستهلاك ده تاني
روح عند اي ميكانيكي يفك الحساس ده وينظفه كويس
الحساس ده لما بيجي عليه تراب بيعمل الاتي
استهلاك بنزين عالي جدا - صوت الموتور عالي ومش مظبوط - ممكن العربيه تبطل في الاشارات
وغيرها كتير

رد: استهلاك البنزين نار و معرفش السبب و ارجو المساعدة
 

انا لما كان معايا لانوس كنت لما بلاقى البنزين استهلاكه على قوى كنت بغير حساس الشكمان معرفش بقى هو حساس الايدل ولا لا وكان كل شئ بيتظبط
الموضوع حصل معايا مرتين وغيرت الحساس فى اربع سنين مرتين