رد: عربيتى وقفت مرة واحدة
 

لو الردياتير بارد و الموتور سخن يبقي كده ثرموستات الكوعه عاوزه تتغير
بتبقي قافله و مش بتسمح بمرور المياه السخنه للردياتير و الاختلاط بالمياه البارده.
لو الموتور و الردياتير بنفس درجه الحراره يبقي شوف غطاء الردياتير ممكن يكون السكس بلف بتاعه بايظ
و دا بيخليه ينقل الميه السخنه للقربه من غير ما تتبرد و تغلي في القربه و تتساقط زي ما انت شايف.

الكلام دا طبعا في حاله مافيش اي تسريب في العربيه
من الخراطيم او طلمبه المياه او الردياتير

رد: عربيتى وقفت مرة واحدة
 

طالما الميه بتنقص يبقي فيه تسريب عندك من الرادياتير او الخراطيم او غطا اربة الميه نفسه ممكن يكون باظ و مش بيحكم الغلق فا بيسرب

لازم كشف كامل علي دورة الميه عند حد بيفهم

رد: عربيتى وقفت مرة واحدة
 

شكرا جميعا على الرد

أعتقد اخى ردك هو أقرب رد للمشكلة
لأن بتاع الردياتير كان بيجس حاجة فى الريداتير من تحت وبيلاقيها باردة و من فوق بتبقى سخنة

ربنا يسهل إن شاء الله عموما انا رايح التوكيل الاربعاء وهاكتب هنا المشكلة كانت اية علشان الكل يستفيد

رد: عربيتى وقفت مرة واحدة
 

رد: عربيتى وقفت مرة واحدة
 

السلام عليكم

شكرا للجميع على المساعدة
انا رحت التوكيل إنهاردة وفعلا طلعت المشكلة من ثرموستات الكوعة

وتم تغييرها و الحمدلله