رد: هل يجب عدم ايقاف المحرك مباشرة بعد المشاوير الطويلة ؟
 

شكرا يا باشمهندس شريف على المعلومه دى لأنى اول مره اعرفها بجد .........
بس سؤال بعد اذنك هل ده بالنسبه للعربيات الملاكى العاديه زى عربياتنا ؟؟
لأن فى اعتقادى ان عربياتنا العاديه مش بتوصل لدرجه السخونه الفظيعه دى مهما كان التحميل على الموتور فبالتالى فى رأيي هى معلومه خاطئه بالنسبه للسيارات الملاكى العاديه ...... و ارجو التصحيح
و لك جزيل الشكر ياباشا و منورنا يا باشمهندسنا .

رد: هل يجب عدم ايقاف المحرك مباشرة بعد المشاوير الطويلة ؟
 

الله يا ينور عليك يا شريف بجد

بس انا بأكد على سؤال شريف برضوا لان عربيتى مثلا لما بكون مسافر بيها الحرارة بتقل حتى عن المعدل الطبيعى (النص) بفعل الاصطدام بالهواء طول السكة فبيبقى مؤشر الحرارة على (الربع) فى الغالب فهل نفس الكلام ينطبق على العربيات اللى بالشكل ده برضو

وهل نفس الكلام ينطبق على الزيوت التخليقية ولا ملهاش علاقة ؟

رد: هل يجب عدم ايقاف المحرك مباشرة بعد المشاوير الطويلة ؟
 

رد: هل يجب عدم ايقاف المحرك مباشرة بعد المشاوير الطويلة ؟
 

يا جماعه زي ما قلت بشروط
لو فيه شد وضغط عالي على الموتور فقط
أو في حالة السفر بسرعات عاليه و-RPM عالي بردو فيه إجهاد عالي
أما في حالات السير بهدوء أو السفر ب-RPM منخفض مفيش مشاكل

وأنا حطيت العربيات التربو كمثال للضغط العالي على الموتور لأن حتى العربيه لو تربو وكنت ماشي بها بهدوء مش محتاجه لفتره طويله للإنتظار قبل ما تقفل الموتور
و القاعده هنا إذا كان في إجهاد على الموتور فقط بشواحن أو عادي

بالنسبه لسؤال الأستاذ شريف المصري و أبونورا

زيادة الحراره المقصود بها مش انها توصل للمنطقه الخطر ولكن المقصود إجهاد عام وزياده مستمره في ضغط الزيت داخل الموتور وفي حالة السفر بسرعات معتدله و-RPM منخفض أكيد الموتور هيكون في حاله من الهدوء وليس الإجهاد و بالتالي حرارته هتنخفض بفعل الهواء

لكن جرب تسافر على سرعه عاليه فيها ال RPM على ٥٠٠٠ مثلاً طول الطريق وهتلاقي الحرارة على النص و لو مكانش كل شئ مظبوط في موتورك ممكن تزيد لا قدر الله

وده التصميم المتبع إن المفروض مع كل الإجهادات على الموتور في حدود المسموح حرارة الموتور متزيدش عن ٩٠ درجه لمنع غليان الماء في دورة التبريد


طريقه أخرى تتبع لتفادي الإنتظار قبل قفل الموتور

لو مثلاً كنت بتشد جامد بعربيتك لفترات طويله أو خلينا نقول طريق طويل واخده كله ١٦٠-١٨٠ كم /س مثلاً يفضل أخر ٥ كم انك تمشي بسرعه منخفضه و-RPM أقل من ٣٠٠٠ ودي تحل محل موضوع الإنتظار نسبياً


والأصل في العربيات الملاكي العاديه هيا المعامله العاديه الهادئه بدون إجهاد للموتور
والاصل في المواتير الرياضيه هو الإجهاد والمعامله القاسيه العصبيه وهيا مصممه لذلك ومع ذلك يجب الإنتظار قليلاً قبل قفل الموتور بعد نوبة إجهاد كسباق أو دراج أو تسارع عالي من ٠-٢٠٠ كم/س كمثال فما بالك بالمواتير العاديه


Thanks
Eng.Sherif Shaker

رد: هل يجب عدم ايقاف المحرك مباشرة بعد المشاوير الطويلة ؟