مصر موتورز مجتمع السيارات - ازاي اروح ابو قير يا جماعه

مصر موتورز مجتمع السيارات (https://www.masrmotors.com/vb/index.php)

- سفارى وطرق (https://www.masrmotors.com/vb/forumdisplay.php?f=7)

- - ازاي اروح ابو قير يا جماعه (https://www.masrmotors.com/vb/showthread.php?t=27373)

رد: ازاي اروح ابو قير يا جماعه

هتنور اسكندريه ياباشا وربنا معاك :HAPPY_~211:

رد: ازاي اروح ابو قير يا جماعه

اقتباس:

المشاركة الأصلية كتبت بواسطة luckyman (المشاركة 193681)

بص بكل سهوله وبدون خرائط اطلع الطريق الصحراوى وافضل متجهة اتجاه اسكندرية لغاية ما تعدى البوابة ودوغرى لا شمال ولا يمين لغاية ما تلاقى طريق الكورنيش امامك تاخد يمين يعنى اتجاه الغرب وتفضل ماشى لا يمين ولا شمال طريق البحر لغاية اخرة حوالى 15 كيلو لغاية ما يخلص طريق الكورنيش وتوصل للمنتزة كمل وانزل النفق او تحت الكوبرى وخد شمال وكمل دوغرى لغاية ما توصل لمزلقان شمالك كبير بيدخل اتجاه الاكاديمية البحرية وطوسون عدى المزلاقان وعند المزلاقان دة يافطة تشير الى اتجاه الاكاديمية البحرية بعد ما تعدى المزلاقان اسحب على طول الى نهايةالطريق خلاص وصلت ابو قير وتقبل تحياتى ورحله سعيدة

ايه الحلاوة دى ياباشا ماشاء الله شكلك بتيجى اسكندريه كتير :HAPPY_~211:

رد: ازاي اروح ابو قير يا جماعه

توصل بسلام اللة

رد: ازاي اروح ابو قير يا جماعه

اقتباس:

المشاركة الأصلية كتبت بواسطة corsair (المشاركة 193680)

والله هتوحشوني لاني رايح مصيف بكره لمدة اسبوع في ابو قير في اسكندرية في فندق 6 اكتوبر بتاع القوات المسلحه هوه القوات المسلحه بتعمل افواج بالاتوبيسات تبعها بس انا عايز اروح بالعربية والمشكلة ان الاتوبيسات بترخم ومبترضاش تاخد الطريق الصحراوي وبتاخد الزراعي وانا عمري ما روحت اسكندرية بالعربية كنت بروحها يا بالتوربين الاحمر من محطة مصر وكنت بنزل اخد تاكسي لحد الفندق وياما مع فوج القوات المسلحة بس المره ديه انا خايف اسيب العربية في الجراش عندنا وعايز اخدها معايا فياريت تقولولي اعمل ايه امشي ورا الفوج من الطريق الزراعي ولا اخد الصحراوي بس مش عارف الطريق من اسكندرية نفسها ولا اوصل لحد الكورنيش ان شاء الله واسئل من هناك او امشي ورا اي عربية رايحه ابو قير يا ريت حد يفدني يا جماعه

يا باشا انت توصل اسكندرية و تكلمنا و احنا نوصلك مطرح ما انت عايز اسكندرية كلها 3 شوارع رئيسية مفيش توهان :funny25:

رد: ازاي اروح ابو قير يا جماعه

الشرح ده بالتفصيل الممل
صحراوى طبعا و اول ما تعدى البوابه كمل طوالى بتاع 20 30 كيلو كده و بعد كده حتلاقى نفسك معدى من تحت كبرى وحاتلاقى كارفور على شمالك والدنيا نورت والشارع بقى نظيف كده يبقى انت فعلا دخلت اسكندريه المهم حتلاقى مفرق يا اما يمين يا اما شمال خود الشمال مع الاغلبيه و كمل طواالى حتلاقى كوبرى والدنيا زحمه عندو كده اطلع وانزل وكمل وبعد كده حاتلاقى نفق انزل فيه وخليك ماشى شمال حتى النهايه و عدى مزلقان الترام و بعد كده حتلاقى البحر من هناك خد يمين لحاد المنتزه وانزل الكوبرى وخد شمال وكمل دوغرى لغاية ما توصل لمزلقان شمالك كبير بيدخل اتجاه الاكاديمية البحرية وطوسون عدى المزلاقان وعند المزلاقان دة يافطة تشير الى اتجاه الاكاديمية البحرية بعد ما تعدى المزلاقان اسحب على طول الى نهايةالطريق خلاص وصلت ابو قير
لو عليزنى اجى اوصلك مافيش مانع وتوصل بالسلامه انشاء الله