رد: تعديلات جديده فى الاوكتافيا فانتازيا ستظهر قريبا
 

صديقي العزيز ....

كلام جميل .... بس هاتلي سياره في سعر الاوكتافيا المنول الي هو 150 الف .. بنفس جوده الخامات والمتانه والعمليه للتحمل ... وانها كمان تناسب صحاري مصر المحروسه !

والمنافس البسيط ليها الاقل طبعا التويوتا في نفس الرنج مع اختلاف بسيط ...لكن مش نفس جوده ومتانه الاوكتافيا ... وبردو سعرها مبالغ فيه !!!

والي رمانا علي المر ؟ حرام الي بيحصل ده والاسعار المبالغ فيها جدا جدا جدا !! بس غصبا عنك علشان تحترم نفسك انته واسرتك ( الاطفال والحريم )من البهدله في المواصلات المختلفه .

وانا عن نفسي وفي حدود السعر 150 انسب سياره ليه الاوكتافيا (منول ) مش مشكله ... بس سياره محترمه ... بس ربنا يكرم ويحنن قلب البنوك والقروض علينا علشان نقدر نسحبها ..

شكرا ....

رد: تعديلات جديده فى الاوكتافيا فانتازيا ستظهر قريبا
 

مشكور على الموضوع والصور

رد: تعديلات جديده فى الاوكتافيا فانتازيا ستظهر قريبا
 

كلامك مظبوط والله
فعلا الاسعار مبالغ فيها لكن احنا مضطرين على ذلك

سعر الاوكتافيا مش مبالغ فيه يعنى مثلا السيراتو الى مكسره الدنيا سعرها من 100 الف لغايه 133 الف
وكذلك الهيوانداى الانترا والشيفروليه الكروز
الهيوانداى سوناتا بتبتدى من 155 الف
حلال ولا حرام ؟؟
حد بالذمه يدفع 150 الف جنيه ولا 130 الف جنيه فى عربيه كورى ؟؟

لكن السكودا عربيه تشيكى المانى
مكونات المانى وتجميع تشيكى
ده كفايه ياراجل ان الموتور بتاعها عليه علامه فولكس فاجن جروب ( فولكس فاجن - اودى - سيات - سكودا )

انا متأكد ان الاسعار مبالغ فيها
لكن البديل وهو الكورى او اليابانى مبالغ ايضا فى سعره ودون المستوى

رد: تعديلات جديده فى الاوكتافيا فانتازيا ستظهر قريبا
 

سياره جامده جدا جدا ...... شكلها رائع جدا من الخارج .... وتصميم جذاب
وتكنولوجيا متطوره فى المحرك ...... وفرش داخلى وتابلو انيق جدا
لازم تكون اغلى من هوندا سيفيك طبعا

رد: تعديلات جديده فى الاوكتافيا فانتازيا ستظهر قريبا
 

انا مش بتكلم عن السيارة فى حد ذاتها على اد ما بتكلم عن سياسة السوق من جهة الوكلاء ومن قبل الدوله بفرض ضرائب ورسوم وجمارك عالية تحرم المستهلك حتى المقتدر من التمتع بالتكنولوجيا وناخذ فقط السيارات المتواضعة الاداء والاوكتافيا ومعظم السيارات التى تأتى مصر تاتى بتادية بسيطة ومتواضعة او مقبوله لكننا فى السوق اصبحت المعايير مختلفة وبنتكلم عن اكر كروم وشبابيك كهرباء بعربيات اقل ما يقال عنها انها متوسطة ولك منى فائق الشكر والاحترام