رد: زنة غريبة
 

يا باشا مع كامل احترامى للكلام اللى بيتقال بس هوا مش زيت فتيس خالص
انا معايا فيرنا وعندى الزنه دى ودوخت وروحت التوكيل قالى الرشاشات بتاعت مواسير التكييف وصلحهالى لكن الصوت قل شويه مارحش
روحت لميكانيكى قالى مفيش حاجة الموتور زى الفل وكله اشطه دى السربتينة بتاعت التكييف ولازم كهربائى روحت للكهربائى قالى دى قصة ولازم التابلوه يتفك تماما وحصل وفكه وطلع السربنتينه وطلعت زى الفل مفيهاش حاجة
من الاخر الموضوع ده قاعدة موتور حتروح لميكانيكى شاطر حتقوله يطلع قاعدة الموتور وهيا بيبقى فيها كاوتشتين كدة من الجنبين خليه يغيرهوم و يشحم المسمار بتاعها كويس ويركبها تانى وجرب وانشاء الله حتروح نهائى
بس فى حاجة بسيطة دى مشكلة بتكرر كتير جدا فى الفيرنا وده عيب تصنيع وممكن تضطر تغير قاعدة الموتور اساسا انا عندى راحت خالص اول ماعملت اللى قولتلك عليه ده وبعد كدة بتيجى وتروح كده بس على بسيط قوى ومستنى اقرب فرصة وحغيرها
انا طولت عليك شوية علشان احكيلك تجربتى وانا حقيقى صرفت فلوس بالهبل على الحوار ده فتوكل على الله وجرب اللى قولتلك عليه وابقى قولى ايه الاخبار

رد: زنة غريبة
 

يا باشمهندس سعد شكراً على ردك مشفتوش غير متأخر قوى للأسف
انا عايز اسالك لو العربية فضلت كده فى أى ضرر عليها و لوقررت اغير الكاوتشات بتاعت قاعدة الموتور دى يبقى لازم ارفع الموتور كله ؟
عذراً تانى على التأخير فى الرد

رد: زنة غريبة
 

فى زنه اصلا بتكون فى الفيرنا جاية من التابلوه هى دى ولا حضرتك تقصد شىء تانى

رد: زنة غريبة
 

وفيه زنه من ماكينة البور بسبب عيب فيها او نقص الزيت وبتكون زنه على يمينك وانتا راكب بتحس بإتجاها
وفيه زنه لوجود اشياء فى التابلوة فى الدرج الايمن او الأيسر
كمان عيوب التقفيل فى الصالون ممكن تعمل زنه
كمان فيه زنه ممكن من موتور المساحات بأجزائه ممكن حاجه مش مربوطه كويس بتزن

رد: زنة غريبة
 

مع احترامي لاراء الجميع انا عندي صوت الزنة ده بسمعة من التابلوه فعلا اول ماشيل رجلي من علي الدواسة بتاعت البنزين واعتقد بنسبة كبيرة ان الزنة دي من الابرة بتاعت العداد لانها لما بتكون مشدودة مع السرعة الصوت بيبقي مش موجود لكن لما بتشل رجلك بتزن واعتقد ان ده السبب الوحيد للصوت الممل ده بجد الرعبية دي مشكلتها في الاصوات الغريبة الي يتعملها