مصر موتورز مجتمع السيارات - خواطر سريعة حول انتشار السيارات الاسيوية.

مصر موتورز مجتمع السيارات (https://www.masrmotors.com/vb/index.php)

- منتدى السيارات العام (https://www.masrmotors.com/vb/forumdisplay.php?f=2)

- - خواطر سريعة حول انتشار السيارات الاسيوية. (https://www.masrmotors.com/vb/showthread.php?t=26494)

رد: خواطر سريعة حول انتشار السيارات الاسيوية.

اقتباس:

المشاركة الأصلية كتبت بواسطة فادى (المشاركة 185949)

كثيرا ما تساءلت ما هو سبب انتشار السيارات الاسيوية بهذا الكم الكبير, و سيطرتها على السوق المصرى خاصة,
هل هى الاعلانات؟
بالطبع جزء كبير من انتشار السيارات الاسيوية يعزو الى نشاط الوكلاء و امطارهم السوق باعلانات من كل نوع, مقروءة و مسموعة و مرئية.
نشاط الوكلاء و حملات الدعايه ليست دليل على الانتشار وممكن تفسيره باي شكل اخر
مرسيدي بتبيع 4500 عربيه في السنه .. اكيد مش حتمطر السوق اعلانات على 4500 عربيه
عميل بي ام و مرسيدس الاعلان بيروح له لحد باب بيته
حجم الاعلانات بيعبر على حجم الشريحه الموجه لها الاعلان
والشريحه الاكبر في السوق المصري تندرج بين 50 ل 100 الف جنيه
وده السعر اللي بتلاقي فيه اغلب فئات الاسيوي
السيراتو والالنترا و الاكسنت و الفيرنا و الانوس و اللوجان و الاسبيرانزا
وبعدهم لحد 150 الكروز لينيا كورولا سيتي سيفيك فلوانس .... الخ
واخيرا تبتدي تظهر البرافو الميجان والجولف والليون و الاوكتافيا و الجيتا ... بس يا عم انت دخلت في ابو 200 كده !!
يعني العربيه الاوروبي الوحيده وسط الشريحه دي هي اللوجان و معروف ظروفها .. واظن انتشارها مقابل الفيرنا والانوس كافي لدحض الاسطوره المزعومه عن انتشار الاسيوي
وطبعا مينفعش نقارن فئه بفئه اقل علشان بنفس السعر

هل هو كلام التجار و "اللى عاملين نفسهم فاهمين" و الميكانيكية؟
بالطبع, السيارات الاسيوية بسيطة تقنيا, لذا فان الميكانيكية يفضلونها بعد السيارات القديمة, باعتبارها تضمن لهم الاستمرار فى مهنتهم دونما تعلم المزيد عن تقنية السيارات الحديثة.
فعلا الميكانيكيه بيفضلو يشتغلو في الياباني و الكوري لدرجه ان بعضهم بطل يشتغل في القديم ...
وبالتالي انا لو بشتري عربيه و مش عايز اروح ادفع تمن صيانات و مراكز خدمه حجيب عربيه بتقنيه بسيطه
فطبيعي لو انا بفكر بالطريقه دي حضطر مجبرا مرغما بكامل قواي العقليه اروح للاسطى بشمهندز الميكانيكي اللي عامل نفسه فاهم واخد رأي سعادته في العربيه اللي حشتريها علشان اعرف اصلحها ..

نفسيا؟ فى رايى اضافة لهذه الاسباب, هناك اسباب اخرى قد تكون نفسية,

- عقدة تشجيع الضعيف ان جاز التعبير,
دائما ما يتعاطف الانسان مع الفريق الأضعف أو سىء الحظ, . نحن دائما ما نشجع الحصان الاسود, فمن منا لم يتعاطف مع كرواتيا أو تركيا أو الكاميرون او السنغال؟!
بالضبط هناك حالة من التعاطف العامة مع البلاد الاسيوية باعتبارها بلاد عانت كثيرا قبل تصنيع هذه السيارات و خرجت من الوحل.
تفتكر اني ممكن اشتري عربيه و ادفع فيها دم قلبي علشان متعاطف مع اليابان او كوريا .... يا اخي هع ...
دي لو امي قالت لي اشتري عربيه اسيوي تعاطفا مع الشعب الاصفر حقول الست كبرت و خرفت (what)

فى المقابل فاننا لا نتعاطف مع الألمان مثلا فالعالم كله يعرف انهم افضل من يصنع سيارة فاخرة و اعتمادية و متينة, و الايطاليون نعرف انهم يصنعون افضل السيارات الرياضية و القوية, و الفرنسيون أفضل السيارات الثابتة و المريحة و المبتكرة.
بل نتعاطف مع الاسيويين (يابانيين و كوريين و صينيين) باعتبارهم وافد جديد على هذه الصناعة يواجهون العمالقة.
لو عندك استعداد تدفع لي 40 - 50 الف جنيه فرق سعر فئه الاوروبي عن الاسيوي مستعد اعلن ولائي التام لالمانيا واطلع نفسي نازي سادي فاشي والعن تيييت سلسفين تيييت الاقزام الاسيويه تييييييييييييييييييييييتت الحقيره
ومتقوليش اجيب بنتو ايفو بتمن سيراتو ... انا متجوز يا عم و عندي عيال .. اقل حاجه C segment
وتكون اوتوماتيك ... اديني مستني اللينيا ديوال لوجيك .. يمكن تنزل ب 120 و لا حاجه ايه ياترى

- عقدة الاسيوى ضعيف البنية الذى يعمل كثيرا!
هذه عقدة اعلامية بحتة لا تمت للواقع بصلة, تربينا على اعلامنا (و مدارسنا) و هم يقولون لنا ليل نهار ان الشعب اليابانى منظم, ذكى, يعمل ليلا نهارا, يحب بلده, يتحرك و كأنه روبوت, و صدقونى فى سنوات عمرى الاولى كنت اتخيل اليابانيون كشعب من الروبوتات لا يكلون و لا يتعبون و لا يمكنهم أن يخطأوا, فالروبوت لا يخطىء!
لم يحظى شعب من شعوب العالم بهذه الدعاية المكثفة مثلما حظى بها الشعب اليابانى(و التى انسحبت على الشعوب الاسيوية عامة),
مثلا هناك خبر مشهور منذ سنوات يتحدث كيف ان اليابانيون قاموا بمظاهرة لأن الحكومة زادت الاجازة الاسبوعية الى يومين بدلا من يوم واحد, و تحدثت الصحف عن حب الشعب اليابانى للعمل!
الحقيقة, أن الشعب اليابانى لم يتظاهر من اجل يوم زائد من العمل, بل كان يتظاهر لأن الحكومة اتخذت هذا الاجراء لتخفيف المرتبات. و لو اعطتهم الحكومة اجازة بمرتب كامل لتظاهروا فرحا و ابتهاجا!!

عروستي !!
من فضلك وضح لي الصوره .. مع الاعتذار لنيلي

يعني حضرتك عايز تقول ان انا اشتريت عربيه اسيوي علشان و انا صغير قالولي في المدرسه اليابان حلوه يا ولاد .. اسيا شاطره يا سامح ... فجوم اني ايه بقى اصدج و اقتنع اني لازما و لابد اول ما اكبر اشتري عربيه ياباااني .....
على اساس ان عقلي الباطن سيطر على قواي العقليه و الادراكيه وعماني وخلاني اشوف الياباني احسن من الالماني HUUM

لا تعليق

من الرائج فى الاعلام الحديث ايضا عن قوة الاقتصاد اليابانى و الاسيوى عامة,
الحقيقة المؤلمة, الاقتصاد اليابانى يعيش فى ركود مزمن منذ التسعينات و هو مثل الرجل الذى مات اكلينيكيا, الاقتصاد اليابانى حقق طفرة فى الستينات و السبعينات بفضل الدعم الامريكى, مازال يعيش عليها حتى الان, لكنه دخل اخيرا فى مرحلة الافول.

يقول الاعلام ان الاقتصاد اليابانى ثانى الاقتصاديات على مستوى العالم.
الحقيقة المؤلمة أن هذا صحيح, لكنه لا يمثل سوى نصف اكبر اقتصاد فى العالم, الاقتصاد الامريكى!
طيب معندكش حته امريكاني بسعر كويس ... بس تكون 1600 سي سي علشان الجمارك و متزيدش عن 120 الف

- نجاح السيارات اليابانية فى الولايات المتحدة.
ظاهرة نجاح السيارات اليابانية فى الولايات المتحدة, و التى كان لها اسبابا سياسية تتجاوز اداء السيارة اليابانية نفسها, مع تصوير السيارات الامريكية كالوجه المتعجرف لصناعة السيارات.
الموضوع مش كده خالص

تفتكر الامريكان برضو كده زي المصريين عندهم تأنيب ضمير بسبب هيروشيما و نجازاكي ولسه ميعرفوش ان الالمان افضل من يصنع سياره فاخره و الايطاليون افضل السيارات الرياضيه وبيشتروا تويوتا علشان صعبانه عليهم !!!

السنه اللي فاتت .. تويوتا باعت في امريكا 1.77 مليون وحده
هوندا 1.15 مليون وحده
هيونداي كيا 700 الف وحده
فولكس 200 الف وحده
وفولكس حتموت نفسها علشان تحقق مبيعات في امريكا
فعملت ايه ...
حتنزل الجيتا لامريكا بمواصفات مختلفه عن اوروبا علشان تقلل سعرها و تقدر تنافس الكورولا والسيفيك المتخلفين !!
الجيتا بعد ما كانت بنظام تعليق خلفي مستقل multi link حتنزل بنظام قديم و رجعي ورخيص اسمه ال torsion beam زي اللي موجود في السيراتو و بيخليها تتشقلب :)
و الخامات الداخليه حتبقى اقل فخامه ... يعني البلاستك اللي بنقرف منه في الياباني و الكوري حنلاقيه في الجيتا الامريكي
وحيكبروها 73 مم عن الطراز الاوروبي ... يعني حيطولو العربيه للامريكان زي ما بيعملوا للصينييييييين
وعلشان مطولش عليك خد عندك اللينك ده
http://www.autozine.org/Archive/Volk...Jetta_Mk6.html

- عدم الرغبة فى التميز.
المجتمع المصرى يسوده حاليا فكر ال"تجييش", بمعنى ان يكون المجتمع متماثلا فى كل شىء, يرغب المصريون فى تقليد بعضهم البعض, و يخاف المصريون الاختلاف فى العادة, و الخروج عن المألوف.
السيارة الاسيوية هى سيارة الرجل الذى لا يبحث عن التميز, الذى يبحث عن وسيلة مواصلات و كفى. لقد قتلت المنظومة التعليمية و الاعلامية فكر التميز داخل المواطن المصرى, بحيث لم يعد يرغب فى المخاطرة أو الابداع, فهو يبحث عن السيارة هادئة الملامح, و التى لا تحتوى على ابتكارات جديدة, أو ميزات متطرفة.
مثلا نخاف من السيارة الايطالية لأنها فى العادة تكون مختلفة طبعا و طابعا عن بقية السيارات,
و نخاف السيارة الفرنسية لأنها فى العادة تحتوى على ابتكارات جديدة لم نراها من قبل.
نحن نبحث عن السيارة التى تقدم لنا ما كانت تقدمه بقية السيارات فى السابق, شكلا و مضمونا.
و هذه هى السيارة الاسيوية, فعادة ما تتأخر السيارات الاسيوية فى طرح التقنيات الجديدة و الطابع المختلف الا بعد ان يكون قد نجح مع شركات اخرى, فهى شركات تلعب فى المضمون.

لا ازاي .. انا كلي رغبه في التميز ...
بس قولي ادفع كام و ابقى متميز ... بعشره .. ماشي ... بعشرين .. طيب ... بتلاتين ... كتير بس افكر ....
لكن اكتر من كده !!
لا ... يفتح الله
انا معنديش رغيه في التميز ... طموحي حاليا لا يرقى للتميز ... انا عايز اشتري قوطه يا عم لعيالي
يعني انا حتى لو فكرت اشتري عربيه قسط .. بدل ما ادفع 1500 في الشهر و اجيب حاجه اوروبي حوفر 500 جنيه واشتري للبيت كيس جوافه كل يوم :)
حتى الجوافه مفيده للعيال وتقعد بره التلاجه .. لكن التميز بيبوظ بسرعه في الحر

- قطع الغيار, سهولة الصيانة, اعادة البيع.
هناك ظاهرة عجيبة فى السوق المصرى,
عندما يرغب المستهلك بشراء السيارة, فانه لا يسأل عن ادائها, أو عن قوتها, أو جودتها أو مستوى الراحة الذى تقدمه.
انه يسأل عن توافر قطع الغيار, الصيانة, اعادة البيع!
لذا فان انتشار سيارة ما, يؤدى الى مزيد من الانتشار, و هكذا فى متوالية عددية لا تنتهى.

ايوه ...
انا عارف النظريه دي ...
دي نظريه الكتكوت و لا البيضه ...
مش كده

المقال السابق ليس هجوما على السيارات الاسيوية حتى لا نفتح النيران! المقالة السابقة مجرد تحليل و خواطر فى ظاهرة ما عجيبة بعض الشىء و هى انتشار السيارات الاسيوية رغم انها فى العادة تفتقد للتميز.
الرد السابق ليس دفاعا على السيارات الاسيويه حتى لا نفتح الكبوت
الرد السابق مجرد هرتله سريعه على الماشي بسبب اقبالنا على شراء السيارات الاسيويه لاننا ببساطه شايفينها حلوه على اد تمنها
Value For Money

يا بشمهندس فادي ...
الموضوع ببساطه شديده محتاج منك بس تحط نفسك لحظه واحده مكان الناس و تبص من خلال عينيهم
العربيه بالنسبه ليك حب وولع ... صوت موتور .. تسقيط نقله .. احساس بمتعه قياده
كل ده جميل
لكن ناس كتييييييره جدا بتبص على العربيه على انها سلعه استهلاكيه .. استثمار .. وسيله انتقال مريحه ... وده مش عيب
انا عن نفسي بحترم جدا الالمانيات ... جولف اسطوره فئتها ... اودي رمز الفخامه و التميز ..
و بحب جدا الفاروميو و فيات ... جيوليتا الخلابه .. ديدرا الرائعه ... برافو جميله الجميلات
و بحكم الدراسه طبيعي اتملق الخطوط الفرنسيه ... 407 ... C4 ..
ولن اتحدث عن فيراري كاليفورنيا او مازيراتي جران توريزمو ... فلا مجال هنا للخيالات و الارهاصات

عوده الي ارض الواقع ...
مطلوب عربيه زيرو اوتوماتيك من الفئه العائلي الصغير Small family - C segment واسعه ومريحه و شنطتها كويسه و متزيدش عن 120 الف جنيه !!!!
وكاش ... انا مبحبش القسط

ترشح لي ايه ROSE4U

رد: خواطر سريعة حول انتشار السيارات الاسيوية.

اقتباس:

المشاركة الأصلية كتبت بواسطة فادى (المشاركة 185949)

كثيرا ما تساءلت ما هو سبب انتشار السيارات الاسيوية بهذا الكم الكبير, و سيطرتها على السوق المصرى خاصة,
هل هى الاعلانات؟
بالطبع جزء كبير من انتشار السيارات الاسيوية يعزو الى نشاط الوكلاء و امطارهم السوق باعلانات من كل نوع, مقروءة و مسموعة و مرئية.
هل هو كلام التجار و "اللى عاملين نفسهم فاهمين" و الميكانيكية؟
بالطبع, السيارات الاسيوية بسيطة تقنيا, لذا فان الميكانيكية يفضلونها بعد السيارات القديمة, باعتبارها تضمن لهم الاستمرار فى مهنتهم دونما تعلم المزيد عن تقنية السيارات الحديثة.

نفسيا؟ فى رايى اضافة لهذه الاسباب, هناك اسباب اخرى قد تكون نفسية,

- عقدة تشجيع الضعيف ان جاز التعبير,
دائما ما يتعاطف الانسان مع الفريق الأضعف أو سىء الحظ, . نحن دائما ما نشجع الحصان الاسود, فمن منا لم يتعاطف مع كرواتيا أو تركيا أو الكاميرون او السنغال؟!
بالضبط هناك حالة من التعاطف العامة مع البلاد الاسيوية باعتبارها بلاد عانت كثيرا قبل تصنيع هذه السيارات و خرجت من الوحل.
فى المقابل فاننا لا نتعاطف مع الألمان مثلا فالعالم كله يعرف انهم افضل من يصنع سيارة فاخرة و اعتمادية و متينة, و الايطاليون نعرف انهم يصنعون افضل السيارات الرياضية و القوية, و الفرنسيون أفضل السيارات الثابتة و المريحة و المبتكرة.
بل نتعاطف مع الاسيويين (يابانيين و كوريين و صينيين) باعتبارهم وافد جديد على هذه الصناعة يواجهون العمالقة.

- عقدة الاسيوى ضعيف البنية الذى يعمل كثيرا!
هذه عقدة اعلامية بحتة لا تمت للواقع بصلة, تربينا على اعلامنا (و مدارسنا) و هم يقولون لنا ليل نهار ان الشعب اليابانى منظم, ذكى, يعمل ليلا نهارا, يحب بلده, يتحرك و كأنه روبوت, و صدقونى فى سنوات عمرى الاولى كنت اتخيل اليابانيون كشعب من الروبوتات لا يكلون و لا يتعبون و لا يمكنهم أن يخطأوا, فالروبوت لا يخطىء!
لم يحظى شعب من شعوب العالم بهذه الدعاية المكثفة مثلما حظى بها الشعب اليابانى(و التى انسحبت على الشعوب الاسيوية عامة),
مثلا هناك خبر مشهور منذ سنوات يتحدث كيف ان اليابانيون قاموا بمظاهرة لأن الحكومة زادت الاجازة الاسبوعية الى يومين بدلا من يوم واحد, و تحدثت الصحف عن حب الشعب اليابانى للعمل!
الحقيقة, أن الشعب اليابانى لم يتظاهر من اجل يوم زائد من العمل, بل كان يتظاهر لأن الحكومة اتخذت هذا الاجراء لتخفيف المرتبات. و لو اعطتهم الحكومة اجازة بمرتب كامل لتظاهروا فرحا و ابتهاجا!!
من الرائج فى الاعلام الحديث ايضا عن قوة الاقتصاد اليابانى و الاسيوى عامة,
الحقيقة المؤلمة, الاقتصاد اليابانى يعيش فى ركود مزمن منذ التسعينات و هو مثل الرجل الذى مات اكلينيكيا, الاقتصاد اليابانى حقق طفرة فى الستينات و السبعينات بفضل الدعم الامريكى, مازال يعيش عليها حتى الان, لكنه دخل اخيرا فى مرحلة الافول.

يقول الاعلام ان الاقتصاد اليابانى ثانى الاقتصاديات على مستوى العالم.
الحقيقة المؤلمة أن هذا صحيح, لكنه لا يمثل سوى نصف اكبر اقتصاد فى العالم, الاقتصاد الامريكى!

- نجاح السيارات اليابانية فى الولايات المتحدة.
ظاهرة نجاح السيارات اليابانية فى الولايات المتحدة, و التى كان لها اسبابا سياسية تتجاوز اداء السيارة اليابانية نفسها, مع تصوير السيارات الامريكية كالوجه المتعجرف لصناعة السيارات.

- عدم الرغبة فى التميز.
المجتمع المصرى يسوده حاليا فكر ال"تجييش", بمعنى ان يكون المجتمع متماثلا فى كل شىء, يرغب المصريون فى تقليد بعضهم البعض, و يخاف المصريون الاختلاف فى العادة, و الخروج عن المألوف.
السيارة الاسيوية هى سيارة الرجل الذى لا يبحث عن التميز, الذى يبحث عن وسيلة مواصلات و كفى. لقد قتلت المنظومة التعليمية و الاعلامية فكر التميز داخل المواطن المصرى, بحيث لم يعد يرغب فى المخاطرة أو الابداع, فهو يبحث عن السيارة هادئة الملامح, و التى لا تحتوى على ابتكارات جديدة, أو ميزات متطرفة.
مثلا نخاف من السيارة الايطالية لأنها فى العادة تكون مختلفة طبعا و طابعا عن بقية السيارات,
و نخاف السيارة الفرنسية لأنها فى العادة تحتوى على ابتكارات جديدة لم نراها من قبل.
نحن نبحث عن السيارة التى تقدم لنا ما كانت تقدمه بقية السيارات فى السابق, شكلا و مضمونا.
و هذه هى السيارة الاسيوية, فعادة ما تتأخر السيارات الاسيوية فى طرح التقنيات الجديدة و الطابع المختلف الا بعد ان يكون قد نجح مع شركات اخرى, فهى شركات تلعب فى المضمون.

- قطع الغيار, سهولة الصيانة, اعادة البيع.
هناك ظاهرة عجيبة فى السوق المصرى,
عندما يرغب المستهلك بشراء السيارة, فانه لا يسأل عن ادائها, أو عن قوتها, أو جودتها أو مستوى الراحة الذى تقدمه.
انه يسأل عن توافر قطع الغيار, الصيانة, اعادة البيع!
لذا فان انتشار سيارة ما, يؤدى الى مزيد من الانتشار, و هكذا فى متوالية عددية لا تنتهى.

المقال السابق ليس هجوما على السيارات الاسيوية حتى لا نفتح النيران! المقالة السابقة مجرد تحليل و خواطر فى ظاهرة ما عجيبة بعض الشىء و هى انتشار السيارات الاسيوية رغم انها فى العادة تفتقد للتميز.

فعلا حضرتك عندك حق

لكن اهم سبب ماولتهوش و هو ان اسعار الاسيوى فى متناول المواطن المصرى

رد: خواطر سريعة حول انتشار السيارات الاسيوية.

اقتباس:

المشاركة الأصلية كتبت بواسطة السليل (المشاركة 278370)

اي وضع اقتصادي في اي بلد هو الذي يفرض عليه نوعية وجودة المنتج المستورد
مع استثناءات بسيطة تخرج عن اطار الوضع الاقتصادي العام.
فمن شب على شئ فقد شاب عليه..كما يقال
والتغير عموما يحتاج الى ارادة ومعرفة...وجرأة

بالطبع الوضع الاقتصادى له التأثير الأقوى,
الموضوع كتبته منذ فترة, و هو محاولة سريعة و متواضعة منى لقراءة السوق المصرى.
الهدف الاساسى من الموضوع ليس هجوما على السيارات الاسيوية, بل محاولة فقط لوضعها فى اطارها الصحيح,
فهى ليست قمة التكنولوجيا كما أصبح البعض يتصور, و ليست مميزة, بل هى سيارات تجارية بحتة.

رد: خواطر سريعة حول انتشار السيارات الاسيوية.

اقتباس:

المشاركة الأصلية كتبت بواسطة sam ram (المشاركة 278607)

معاك يا أستاذ سام, انت وصلت للنقطة اللى انا قصدتها فى الأول بعد لفة طويلة
انتشار السيارات الاسيوية لا يرجع الى تمايزها, بل الى تقديمها معادلة نوعية رابحة, ببساطة هى سيارات تجارية بحتة.

اقتباس:

السنه اللي فاتت .. تويوتا باعت في امريكا 1.77 مليون وحده
هوندا 1.15 مليون وحده
هيونداي كيا 700 الف وحده
فولكس 200 الف وحده
وفولكس حتموت نفسها علشان تحقق مبيعات في امريكا
فعملت ايه ...
حتنزل الجيتا لامريكا بمواصفات مختلفه عن اوروبا علشان تقلل سعرها و تقدر تنافس الكورولا والسيفيك المتخلفين !!
الجيتا بعد ما كانت بنظام تعليق خلفي مستقل multi link حتنزل بنظام قديم و رجعي ورخيص اسمه ال torsion beam زي اللي موجود في السيراتو و بيخليها تتشقلب :)
و الخامات الداخليه حتبقى اقل فخامه ... يعني البلاستك اللي بنقرف منه في الياباني و الكوري حنلاقيه في الجيتا الامريكي
وحيكبروها 73 مم عن الطراز الاوروبي ... يعني حيطولو العربيه للامريكان زي ما بيعملوا للصينييييييين
وعلشان مطولش عليك خد عندك اللينك ده

اعتقد ان فولكس سوف تكتب كلمة النهاية لو تمادت فى سياسة مثل تلك,
لا ينبغى لفولكس ان تفقد تمايزها, و لا ينبغى لأى شركة ان تفعل ذلك, تماما مثلما ارتكبت الشركات الأمريكية خطأها التاريخى و تخلت عن الدفع الخلفى و بدأت فى انتاج السيارات صغيرة ففقدت ميزتها النوعية.
اعتقد ان السوق يتجه -ببطء نعم- لكن بشكل ثابت نحو السيارات المميزة أكثر من التقليدية, و هو ما يمكننا قراءته من خلال زيادة مبيعات السيارات الفارهة (رغم الأزمة المالية).
صحيح ان السيارات اليابانية مازالت تبيع الكثير, لكن لا تنسى ان مؤشر شعبيتها العام فى انخفاض, و قد تتفوق عليها فولكس قريبا و هذا هو المتوقع, و الأمريكان يشترون التويوتا بالفعل, لكنهم يسخرون منها فى الوقت نفسه, و هى معروفة بالسيارة المملة.
السيارات اليابانية تتمتع بميزات نوعية فى السوق الأمريكى لا تجدها اى شركة اخرى, المناخ العام مشجع, بل انها تصنع سياراتها داخل الولايات المتحدة و فى أقل الولايات حرصا على حقوق العمال و مرتباتهم, و فى الوقت نفسه, تعانى الشركات الأمريكية من نقابات العمال فى ديترويت!!

رد: خواطر سريعة حول انتشار السيارات الاسيوية.

والله انا ليا رائ ان التكنولوجى الزائدة عن الحد فى منطقة الكمبيوتر واستخدامته ونسبة الامية فيها مرتفعة مش فكرة سديدة تماما وعن تجربة مع احد اصدقاء العمل فى اسبانيا يملك رينو ميجان ويشتكى من ارتفاع الصيانة و من انها معقدة الى حد كبير فحنلاقى فى ارض الواقع ان الوسطية فى كل شى مطلوبة مطلوب من العربية انها تحتوى محرك متطور من غير تعقيدات (نمسك العصاية من النص) لان التعقيد مش نجاح فى حد ذاته

انجح الاشياء الاجود والابسط فى نفس الوقت