|
رد: رحلات مصر موتورز الصيفية
ممكن نطلع علي راس سدر ومن راس سدر علي خط برليف ونعبر وهيه ديه مصر يا عبله هههههههههههههه حبيبي يا ابو نورا المهم اي حاجه فيها بحر وخلاص ننزل نضرب غطس علشان الواحد يفوق شويه من وجع الدماغ وروتين الشغل اليومي وانا راشق معاك يا وائل باشا في اي رحله ويسلام لو تكون يوم حد تبقي تمام التمام هتكون الدنيا رايقة ومش زحمة زي الجمعه والسبت
|
رد: رحلات مصر موتورز الصيفية
عاوزين مكان تاريخى عظيم ومصيف رائع
روحوا مرسى مطروح واكيد هتسمتعوا جدا المشكلة ان المسافة بعيدة شوية |
رد: رحلات مصر موتورز الصيفية
أنا مع إقتراح زيارة مدينة بورسعيد فهى مدينة تاريخية ومصيفية فى نفس الوقت وممكن نقضى فيها يوم أو يومين وأسعار الإقامة فى شاليهات المحافظة رخيصة جداً ( 170 ) جنيه فى الليلة للشاليه المفروش حجرتين وصالة يكفى 4 أفراد ويطل على البحر وحمامات السباحة وبالمرة نزور متحف بور سعيد الحربى ونعبر قناة السويس بالمعدية لبور فؤاد وأكيد سوف يستقبلنا أحبابنا من أهل بورسعيد من أعضاء المنتدى ويقوموا بارشادنا فى جولة سياحية للمدينة الباسلة
|
رد: رحلات مصر موتورز الصيفية
تمام يا شباب يبقى الاسكندرية الجمعة الجاية ان شاء الله وبعدها نظبط طلعة لبورسعيد بعد الامنتحانات مباشره
وطبعاً حازم شاهين هيظبطنا ان شاء الله بس ايه رايكم نأجر اتوبيس او ميكروباص حتى يودينا ويجبنا بدام فيها غطس يبقى مش ناقصة تعب السواقة كمان رايح جاى ياريت اللى يعرف شركه اتوبيسات او ميكروباصات يقولنا ايه الاسعار |
رد: رحلات مصر موتورز الصيفية
والله الحكاية ساعتين سفر من القاهرة لبورسعيد وزيهم من اسكندرية لبورسعيد وأنا على استعداد لأن يشرفنى عدد 3 من السادة أعضاء المنتدى من الإسكندرية لمرافقتى فى سيارتى الى بورسعيد
|
| الساعة الآن 01:58 PM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017