ولله نا عن نفسي افضل لك لانسر بومه 1.6 كمله او لانسر شارك كماله بردو افضل من ده كله
لو استخدامك عملي و شاق يبقا بومه
لو فخامه و راحه و رفاهيه يبقا شارك
او ممكن تفكر في هوندا سفك 2009 مستعمله استعمال خفيف و هي طبعا لا تقارن بالعربيات دي كلها فهي اعلي بكثير و حتي افضل من الشارك و البومه عبها الوحيد انها تفتقد للرفاهيه بعض الشئ

1. من ناحية الشكل الخارجى اعتقد دى مسألة اذواق وان كانت الكفه ارجح بالنسبه للكروز.
2. من ناحية العفشه والتعليق عفشة الالنترا انعم واريح وان كان يعيبها ان العربيه بتوطى لما تكون محمله من الخلف .وعفشة الكروز انشف وتحسسك بأى زلطه على الطريق.
3. التعليق الخلفى فى الالنترا متعدد الوصلات ودى ميزه هامه جدا عكس الكروز التعليق الخلفى على قضيب مفرد(دونجل)او كمره حديد بين محورى العجل الخلفى.
4. من ناحية الثبات الاثنين متساويين فى الثبات وان كانت الكفه تميل للكروز لكن بزيادة تعريض الكاوتش واستخدام الجنوط الرياضيه بمقاس 16 بوصه الالنترا حيكون ملهاش حل فى الثبات على الطريق.
5. من ناحية قوة الصاج الشيفورليه كروز تتفوق وبخاصه لضعف صاج الابواب فى الالنترا.
6. من ناحية قوة الماتور والتسارع الالنترا تكتسح بدون منازع .
7. من ناحية تكنولوجيا الماتور وتوفير الوقود مفيش شك الالنترا افضل وبفارق كبير .
8. من ناحية توافر قطع الغيار وأسعارها الاثنين متقاربين وان كانت الكروز اغلى فى ثمن قطع الغيار.
9. من ناحية الاعتماديه وسعر اعادة البيع الالنترا تتفوق.