رد: شباب نصائحكم
 

لو جديد يبقي
سايبا برايد 47 ألف زي ما قال أستاذ بنداري
ايديا وان 43 ألف
ايديا تو 45 ألف
BYD F0 ة43 ألف
لادا 2107 44 ألف للمحلي و 48 ألف للروسي
إسبيرانزا A113 ة48 ألف


لو مستعمل فأحبذ اللي كاتب عليه حالة ممتازة فقط

أو تجيب كيا برايدا مستعمل مو فوق 2005 بحالة ممتازة
أو كيا بيكانتو بس حالة وحشة أو شبه معقولة
أو هيونداي i10 مستعملة بحالة معقولة
أو هيونداي أتوس برايم مستعملة بحالة ممتازة
أو إسبيرانزا A113 حالة ممتازة
أو إسبيرانزا A213 حالة ممتازة (بس عربية وحشة أصلا )
أو إسبيرانزا A516 حالة شبه معقولة أو معقولة
أو بس مش متأكد هيونداي أكسنت الشكل القديم هو كان نازل لحد 2006 فدور على مستعمل ليه هتلقيه في الحدود دي برضه بس حالة معقولة أو عادية

بس اوعى تجيب أو تفكر في الماروتي أو الألتو أكبر مقلب ممكن تأخذة في حياتك

أرجوا إني أكون أفدتك

:waving::waving::waving:

رد: شباب نصائحكم
 

اعتقد انك صعب تلاقى مستعمل بحاله نظيفة وموديل فوق 2005 فى حدود ميزانيه 45 الف ج
ياأما هتدخل فى مخاطرة ان العربيه يكون فيها عيب (حادثة مثلا) والبائع لا يفصح عنها ، او تكون العربيه مستهلكه شويتين .

وكذلك يجب ان تضع فى اعتبارك ان اى سيارة مستعمله مهما كانت حالتها ممتازة ، لابد من اجراء جوله صيانه ع الماشى بعد الشراء مباشرة مثل ( تغيير الزيوت والفلاتر - طقم كهرباء - ظبط زوايا وكشف ع العفشة - ويمكن كمان كاوتش ) يعنى هتصرفلك بضع مئات او تقرب على ال 1000ج

لذلك فان الزيرو يكسب ياباشا
وموديلات الصينى كتير
لكن لو عاوز تبعد عن الصينى - اعتقد البرايد تستحق التفكير لانها متجربه فى السوق ( صيانه - قطع غيار- استهلاك بنزين ) كله زى الفل

رد: شباب نصائحكم
 

اسمحلى اقولك نصيحه من اخ مش هاينفعك فى الحاله دى غير اللانوس عربيه حماله اسيه والله وصيانتها مافيش اسهل من كده
حاول تجيبها موديل 2000 او 2001 بس استعمال نضيف وحاله كويسه اتعب شويه لغايه ماتلاقيها بصراحه تستاهل

رد: شباب نصائحكم
 

كلامك مظبوط 100 %
لكن الاخ ماتركس صاحب الموضوع عنده شرط من الشركه
ان فى حاله المستعمل لا يكون قبل موديلات 2005

رد: شباب نصائحكم
 

الف شكر على نصائحكم اللي كتير افادتني

انا مغرم جدا باللانوس بس زي ما تفضلتم ان المبلغ صغير بجانب صرف مبلغ بعد الشراء

وبفكر حاليا في البرايد

دمتم لنا زخراً يا شباب