رد: جيب شيروكى 1996 - Jeep Cherokee
 

ربنا يوفقك لما فيه الخير

رد: جيب شيروكى 1996 - Jeep Cherokee
 

عاينت السيارة من الخارج، واكتشفت انها:

1. موديل: 1995
2. سعة الموتور: 2500cc (موتورها الأصلى)
3. ناقل الغيرات: Manual
4. الكمليات: فقط باور
5. حالة السيارة: جيد جداً

ماذا عن هذا الموديل؟
كم تبلغ تكلفة الضرائب والترخيص السنوية لهذا الموديل فى مصر؟
كم معدل استهلاك الوقود (بنزين 90 أو 92) لكل 100كم؟
كم السعر المتوقع لهذا الموديل؟

شكراً جزيلاً

رد: جيب شيروكى 1996 - Jeep Cherokee
 

الموتور 2500 كدة أيوة وفعلا اللى أنا أعرفه إنها باور وفيها تكييف مش كدة
وعموما بتمشى ببنزين 90 وأسمع إن قطع غيارها غالية بس عربية لو دخلتى بيها فى حيطة مش هتقول لا( صاج جامد وبتستحمل البهدلة ) بس أنا عند نفسى مش بحبزها لبنت لكن لو عجباكى توكلى على الله وخلصى فيها
بالنسبة للضربية بتاعت التجديد بتاعتها أنا معايا أوبل فيكترا 2000 سى سى موديل 98 وضريبتها كانت 650 تقريبا على ما أتذكر فممكن العربية الجيب تعمل حوالى أد المبلغ دة أو أعلى شوية عشان 2500 وعموما نستنى أى حد من اللى عارفين طريقة حساب ضريبة العربيات ويقولو هتتكلف كام
وبالنسبة لسعرها من 45 الى 52 حسب الحالة العامة وهل محتاجة مصاريف ولا لأ وممكن السعر يزيد شويه ويوصل ل55 بس لو العربية حالة شاذة

رد: جيب شيروكى 1996 - Jeep Cherokee
 

شكراً جزيلاً يا Ahmed_lol2007

العربية باور بس - بدون تكييف أو أى كماليات أخرى

بالنسبة لحالة العربية - كل صياناتها كانت فى التوكيل - واى حاجه بتعطل فيها كانت بتتغير فى التوكيل - لانها كانت بتاعة شركة واتباعت

رد: جيب شيروكى 1996 - Jeep Cherokee
 

بس أنا أول مرة أسمع إنها مش فيها تكييف
ممكن تكون نزل منها كذا فئة من الموتور ال 2500
وربنا يبارك للى هيشتريها سواء انتى او غيرك