رد: ثقافة شراء سيارة
 

يا باشا لو قصدك ان عندنا حد يحدد سياسة شراء وبيع واختيار السيارات
فده كل واحد هو رئيس جمهرية نفسه
وعلي فكره للسبب ده ناس كتير بتتخدع وتجيب عربيات باسلوب اختياري خاطء
يعني اللي يجيب عربية وفاكر ان مصاريف العربية هي قصطها وبنزينها وده بتكون نهايته يبيع العربية لحد يكم قسطها
او عربيته تبوظ وتتركن لو كاش ومعهوش يصلحها
وفي ناس بتسال معارفها عن احسن عربيه لظروفهم ودول ونصيبهم ياللي بيديهم قرار صح واللي بيديهم فتوي جاهله
والدليل علي كلامي كمية الناس اللي بتجيب عربيات وتخسر فيها ومبتستخدمهاش بالشكل الصح
يعني انا اجيب عربية صغيرة وانا متجوز وعندي عيلة والعربية مش مكفياني
او اجيب عربية غالية واحط فيها كل اللي حيلتي واجي علي تغيير زيوت او عفشه او صيانه دوريه ويبقي معاييش والعربية تتهان او اروح اجيب عربية عشان سعريها رخيص وعلي قد امكانيات وتطلع عيني صيانه ومصاريف وفي الاخر ابيعها بتراب الفلوس
او اجيب عربية قديمه افضل اصرف عليها عشان تتظبط واقول مش مهم ابقي اظبطها حاجه حاجه وفي الاخر متجيب التمن اللي دفعته فيها حتي
وكمان حكومتنا ربنا يخليها مخليه العربيات سعرها الضعف عشان الجمارك
وموضع الجمارك ده بتعمله الدول اللي بتنتج عربيات زي الهند وعاوزه تمشي انتاجها
تقولك تشتري العربية الهندي رخيصة لكن لو عاوز تجيب حاجه من بره يبقي تدفع تمنها الضعف
لكن في مصر لا في انتاج محالي ولا اللي جاي من بره رخيص وفلوس الجمارك ديه الشعب مش بيشم ريحتها
وشكرا علي موضوعك يا باشا

رد: ثقافة شراء سيارة
 

بالضبط كده يا باشا
*بلاش كل واحد يبقي رئيس جمهورية نفسه ديه عشان في ناس بيعمل فيها العليم ببواطن الامور وفي الاخر يضيع نفسه وفلوسه ويرجع يقول يا ريت اللي جري ماكان وخصوصا لو كانت خبرا ته قليله
* الناس اللي بتاخد نصيحه من الاهل هل النصيحه ديه موثوق فيها ولا مرة تصيب ولا مرة تخيب ممكن يكون قريبك ده ثقة وكل حاجه بس احتياجاته للعربية ورؤيته لعيوبها ومزايايها مختلفة عنك
* تعرف انك مش حتشتري العربية عشان شكلها حلو ، ولا الكماليات اللي فيها حلوة يا تري بنبص انك بعد متشتري العربية لازم تبص انك بعد 1000 كيلو حتعمل صيانه بحوالي (سـ ) من الفلوس هل المبلغ ده متوفر معاك !!!!!!!!!!!

رد: ثقافة شراء سيارة
 

انا عن نفسى اول عربية كانت 128 عشان التعليم
بعد كدة تيوتا عيون توكيل محترم وبرستيج وتستحمل السفر
3بعد كدة شيروكى معدل امان ممتاز عشان بقى عندى عيال اخاف عليهم وعشان التيوتا اتفرمت توكيل محترم وبرستيج وتستحمل السفر

رد: ثقافة شراء سيارة
 

الف شكر علي اهتمامك يا باشا
بس لي عندك استفسار صغير
كنت بترف منين ان التوكيل كويس او وحش
وكنت بتعرف منين مزايا وعيوب العربية وانها بتستحمل او لأ
كنت بتسأل حد خبرة (صديف - قريب -معرفة مثلا
ولا كنت بتسأل عليها عند الميكانيكية
وشكرا

رد: ثقافة شراء سيارة
 

ماخاب من استشار اولا المكانيكى
ثانيا الاصدقاء
بالنسبة للتوكيل من المعاملة لانى اشتريت التيوتا والشيروكى لسة فى الضمان
وحاليا بدور على عربية 7راكب ومحتار جدا جدا