مصر موتورز مجتمع السيارات - الرجل الشومة SHOMA MAN اقوى من بات مان و اسرع من سوبرمان

مصر موتورز مجتمع السيارات (https://www.masrmotors.com/vb/index.php)

- نادى المبدعين (https://www.masrmotors.com/vb/forumdisplay.php?f=121)

رد: الرجل الشومة SHOMA MAN اقوى من بات مان و اسرع من سوبرمان

على فكرة موضوعك جميل جدا جا اخى فى الله

رد: الرجل الشومة SHOMA MAN اقوى من بات مان و اسرع من سوبرمان

اقتباس:

المشاركة الأصلية كتبت بواسطة AboNoRa (المشاركة 159328)

بجد والله انت مبدع ptmnlo123per145

بس حتى مع قدراته الخارقة وانيته وقدرته على الانتقال اللحظى انا مشفق عليه من حجم المجهود اللى هيبذله ومرارته اللى هتتفع من الناس وعمايلها

انا عن نفسى اتمنى ان ان ابو شومة يتعطف ويزورنا فى ضواحى عين شمس والمطرية وياريت ياخد جولة ميدانية كده بداية من روكسى مروراً بترعة الجبل يهبد شومة على دماغ كل سواق تاكسى بقف يحمل فجئة فى وسط الطريق او راجل واقف صف تانى مستنى المدام تخلص شوبنج من السوبر ماركت وموقف الشارع وطبعاً شومة لكل من يتجراء ويخطف غرزة عكسى لحد ما يوصل لمحطات مترو المطرية وعين شمس وعزبة النخل والمرج دول هيتعب فيهم جامد لانه هيحتاج شوم كتير لكل سواقين التكاتك والميكروباصات اللى واقفة تحمل من قدام المترو ومعطلة الدنيا بعدين يلف على عين شمس وطبعاً كل سواقين المكروباصات صغيرة او كبيرة محتاجين شوم بزيادة بعدين ممكن يعدى على رئاسة الحى يسلم عليهم برضو من الكبير للصغير نظير اهمالهم للطرق والمرافق واستهبالهم فى البناء المخالف يوم بعد يوم
ممكن بعد كده يطلع على جسر السويس ومن هناك يدور على مفتكسى مشروع تطوير مداخل ومخارج القاهرة ويسالهم عن ما ال اليه طريق جسر السويس بطولة وعرضة لحاد طريق مصر الاسماعيلية وموقف العاشر ده بس فى شرق القاهرة شوف باقى القاهرة محتاج قد ايه

اعتقد اننا فى حاجة الى ابو شومة لكل مواطن

ههههههههههههه والله انت جميل ياابو نورا انا شخصيا لما بنزل عين شمس او المرج بنزل بالمترو لدواعى السلامة ولو مضطر ببيقى رايح ومجهز نفسى على سيرك لان المناطق دى لانظام ولاقانون وبالذات قائدى الميكروباسات والسيارات القديمة اللى فرحانين بمتانة عربياتهم وينط ادامك لانه عارف ان التاثير الكبير هيكون فى العربيات الفافى بتاعتنا واذكر كنا واقفين مستنيين فرج ربنا عند مزلقان العشرين بمنطقة زهراء عين شمس حيث اختلط الحابل بالنابل واللى جاى عكس واللى ناطط على الرصيف ولقيت واحد معاه كوررولا واقف جنبى ميت فى جلده من الخوف من السيرك اللى شغال المهم لما لقيته خايف ومرعوب كده على العربية لتتخبط قلتله خليك ورايا وتصورت انه هياخده الكبر وعزة النفس ويرفض لكن الراجل استسلم لان عربيتى فافى من بتوع اليومين دول وجه ورايا ولزقلى لكن ياولداه الحلو ميكملش بعدى المزلقان ونطت ادامى عربية 125 بقلة ذوق كانت هتطير الاكسدام الامامى تمااما وروحت جارى وراه فى مشهد ميكروباسى ونطيت اددامه وجريت منه وخليته اتلخبط وكان هيلبس فى جزيرة ملهاش اى قيمة بعد المزلقان وببص لقيت صاحبنا بتاع الكورولا بعيييييييد
وبصراحة الراجل الشومة ده هيتعب او ى فى عين شمس والمرج والمطريةان مسابش الشغلة دى وبطلها بسببهم

رد: الرجل الشومة SHOMA MAN اقوى من بات مان و اسرع من سوبرمان

حلو الموضوع ما هو الا ( ابو شومة يعني )

القانون لو القانون تم تطبيقة باقتناع منن جميعا انة في حالة تطبيق القانون كلنا هناخد حقنا واحنا مبتسمين مفيش اي دغائن لاننا مقتنعين بالقانون وبعدلة مش كلة بالدراع

وعايز تعيش متعادينيش

وريحني في الغيارات ودلعني فيالمطبات يامعلم
وكدا

رد: الرجل الشومة SHOMA MAN اقوى من بات مان و اسرع من سوبرمان

اقتباس:

المشاركة الأصلية كتبت بواسطة خالدخليفة (المشاركة 195294)

وبصراحة الراجل الشومة ده هيتعب او ى فى عين شمس والمرج والمطريةان مسابش الشغلة دى وبطلها بسببهم

مهو علشان كده هو ممكن يبقى متواجد فى كذا مكان فى نفس الوقت يعنى لكل مواطن فيه راجل شوما ptmnlo123per1116

اقتباس:

المشاركة الأصلية كتبت بواسطة mida012 (المشاركة 196454)

حلو المقطع الاخير ده ينفع مطلع اغنية

اقتباس:

المشاركة الأصلية كتبت بواسطة alaa@virus (المشاركة 193908)

على فكرة موضوعك جميل جدا جا اخى فى الله

شكرا لذوقك يا باشا

رد: الرجل الشومة SHOMA MAN اقوى من بات مان و اسرع من سوبرمان

أنا كنت بفكر فى موضوع البطل المصرى ده كتير بس دماغى مشطحتش زيك كده.

وبعدين أحنا عندنا اللى أحسن وأقوى وأسرع من الشومة مان, أحنا عندنا رجال الشرطة القادرين على الظهور فى أى وقت وأى مكان عند قيامك بالخطأ لكن يختفون عندما تحتاج اليهم.

و كذلك يقدرون على جعل فرخة بلدى تعترف بالقيام بهجمات 11 سبتمبر بمساعدة أبن عمها.

وموضوع رائع, وياريت نشوف زيه فى الأستراحة كتير