رد: هل زادت أسعار المستعمل
 

رد: هل زادت أسعار المستعمل
 

والله يا أستاذي هو الموضوع له جوانب كثير مخلية السوق عامل زي سوق الطماطم زمان، فاكر مقولة: مجنونة يا قوطة، هو السوق دلوقت عامل كدة، ما تقدرش تتوقع بكرة فيه إيه، بس عموما أقدر أقولك إن الأزمة إلي فاتت وخلت المستعمل كله نزل شبه انتهت، والمستعمل هيبدأ يعلى تاني، لعدة عوامل:
أولا: إشاعة إحلال الملاكي، الكل عايز يسلم العربية القديمة وياخد زيرو بدون ضرائب وبقسط مستريح.
ثانيا: العيوب الكثير والسخيفة إلي عمالة تطلع في الزيرو، يعني حضرتك شايف مفيش شركة إلا وعمالة تسحب عربيات من السوق، ده طبعا زرع الشك في قلوب كثير من الناس من ناحية الزيرو.
ثالثا ودي نقطة مهمة جدا: قطع الغيار النار بتاعت التوكيلات، يعني مش يبقى حرام لما يقى الإكصدام ب700 و800 جنيه، والمرايا يا عالم ب400 و500 جنيه والبيبان والشبكة والفوانيس حدث ولا حرج، يا أستاذي ده انا قرأت مرة في أسعار توكيل الهوندا إن الدينامو مش عارف بألفين وكام، يعني ده مش حرام. يبقى يحيى المستعمل، تنزل بخمسة آلاف جنيه تهد عربيتك وتبنيها. وربنا يستر علينا وشكرا ليك