مصر موتورز مجتمع السيارات - ارجو المساعد

لو حضرتك بتسمع الصوت بمجرد تشغيل الموتور وبيروح لما تطفي الموتور حتى وانت ماشي بالعربية ....
المهم الصوت لو بتسمعه مع الموتور فقط ده غالبا صوت طرمبه البنزين وبيكون زي رنة حاجه معدنيه بتخبط بسرعه
و ممكن تتأكد اكتر بأنك تخللي حد يشغل العربيه وانت اقعد عند نص الكنبه اللي ورا وقرب ودنك حتسمع الصوت بوضوح شديد
لأن ده مكان الطرمبه وحيروح بمجرد ما تطفي الماتور .... يا رب ميكونش الطرمبه فعلا ولو كان المفروض تعملهم شغلانه في التوكيل
ويغيروها وقتي لأنها حاجه من الجاجات اللي المفروض بتعيش بعمر العربيه مبتتغيرش غير على فترات مهوله وحاول دايما متعبيش التنك وهو فاضي على الأقل سيب تمن العداد مش حقولك ربعه
بس بلاش تعبيه من اول ما اللمبه تنور علشان ميجيبش وساخه جوه الطرمبه .... مع اني معتقدش ان ده السبب في الحاله بتاعتك
لأنك مش عامل بالعربيه 2000 كيلو زي ما بتقول بس اهه حاجه المفروض كلنها نعملها على طول ....
وربنا يباركلك في العربيه ويبعد عنك شرها