رد: استطلاع ماهى افضل سياره جيب الطرق الوعرة
 

طبعا كل الكلام اللى ذكر مع احترامى لية هو نتيجة دعاية قوية وانبهار وتأثر شخصى طبعا الهامر مستحيل عزيزى وكمان اللاند روفر دة كدة من رابع المستحيلات سيارت قوية صح اداء عالى مضبوط فخامة اي نعم تصميم وهيبة مفيش شك لكن افضل عربية طبعا لا
لية بقى هنا السؤال اية المعايير اللى من منطلقها بتحدد السيارة دى اقوى عربية الخ طبعا كل ما ذكر مع التركيز على الاعتمادية وممكن ترجع لاختبارات التوب جيير وتعرف ازاى ان اللاند كروزر هى اسطورة من الصعب مجابهتها ومن الصدفة ان اللى اختار الهامر واللاند روفر اختار اكتر سيارتين من اكثر السيارات قله فى الاعتمادية ومصروف تشغيل عالى عزيزى الهامر كانت مستخدمة فى شركات بترول عدة وتم ايقاف العمل من خلالها نتيجة مشاكلها الميكانيكة الكتعددة وليس لعيب فى قوتها انت لما تقول سيارة طرق وعرة وتقرر استخدامها فى الطرق الوعرة من الصحارى للوديان والغبات والسفارى الخ انت تريد توليفة من كل شىء لكن لا تهاون عن الاعتمادية حيث تذهب بها الى اماكن يتعذر فيها الاتصال باحد وتقريبا معظم وسائل الحياه خارج نطاق الخدمة هنا فقط تستمر اللاند كروزر فى العمل لسنوات عديدة دون كلل هذا كله من واقع سنوات طويله ويمكنك الرجوع حتى من خلال النت وتبحث مع المحترفين عن افضل السيارات صمودا وقوة ولك منى خالص الشكر والاحترام

رد: استطلاع ماهى افضل سياره جيب الطرق الوعرة
 

اخى العزيز مع كامل الاحترام لرايك وانه مبنى عالواقعيه او الحياه العمليه فى بيئه معينه وهى بيئة شركات البترول فلاند كروزر بها مميزات اليابانى الى فى اى عربيه يابانى زى الاعتماديه وسهولة الصيانه واقتصاديات التشغيل ودى الصفات الاساسيه للمدرسه اليابانيه...بالاضافه انها دفع رباعى فمش من الطبيعى ان شركة بترول او اى مؤسسه تهدف للربح هتجيب عربيه انجليزى زى لاند روفر او عربيه زى هامر او مرسيدس .,,فاكيد لاند كروزر فى الحاله دى هى الاختيار الامثل
لكنها لاتقارن بامكانيات هامر الى هى مصممه بارتفاع رهيب يقهر اى صعوبات ارضيه او مائيه او رمليه وهذا يكفى.,,فنحن نقارن امكانيات فى كافة الاجواء وليس اقتصارا على بيئه تجاريه

رد: استطلاع ماهى افضل سياره جيب الطرق الوعرة
 

فعلا لكن الهامر كانت مستخدمة فعلا وكانت غلطة العمر لستهلاك قطع غيار عالى ربما نعم قطع غيار اللاند كروزر من اغلى القطع لكن انسى وبعدين الجيش وشركات البترول ليست بيئة تجارية مطلقا عزيزى هى العمل الشاق المرهق 24 ساعة تشغيل بعض السيارات وصل الان لعشر سنوات فى الخدمة ولا يزال يعمل بكفاءة تامة نعم تملك السيارات الاخرى خصائص فريدة لكن مع احترامى وكامل احترامى اشك فة قدرتها على العمل لشهر كامل فى بيئة شبة صعبة ومن هذا الاساس تقوم اللجنة الفنية باختيار السيارات من خلال المناقصات وعروض الاسعار مع العلم ان اللاند كروزر من اغلى السيارات وليست برخيصة ومن كثرة الطلب عليها تقريبا غير متواجدة فى الاسواق وتحافظ على ثمنها والحجوزات اكتر من العرض نعم اليابانية تتميز بذلك لكن تلى اللاند كروزر النيسان البترول ولكنها لازالت لا ترقى لنفس خصائص التويوتا بكل الاحوال معظم السيارات الدفع الرباعى ملائمة اكثر للطرق الغير ممهدة انما صحارى وقساوة وتربة رميله وبازلتية ومستنقعات اشك فى قدرتها على الاستمرار

رد: استطلاع ماهى افضل سياره جيب الطرق الوعرة
 

طبعا اللاند كروزر بلا منافس خصوصا ال vxr v8 انا مصرى مقيم فى الامارات محدش يتخيل اللاند كروزر

هنا عامل اية فى الناس خصوصا المواطنين تقريبا مفيش مواطن معندوش لاند كروزر وحتى اللى عنده اكتر من عربية 4*4 معروفة ان اللى عايز يطلع جبل يبقى لازم لاند كروز مش اى نوع تانى ومن تجارب مع عدة سيارات 4*4 الرنج روفر افشل عربيىة 4*4 اخرها رمل شاطئ اكتر من كدة متتحركش من مكانها بس فى نفس الوقت افخم عربيىة فى فئه ال 4*4 من جوة

رد: استطلاع ماهى افضل سياره جيب الطرق الوعرة
 

الله ينور عليك اخى العزيز السيارة بتوصل معانا فى اماكن حيث يتعذر الاتصال فعلا سيارة منتهى الاداء المطلق كمان لو تلاحظ نوعية بناء السيارة تمتاز بالدقة وخامات المواد المعمرة حتى نوعية البلاستيك هى باهظة الثمن كما الحال فى معظم انتاج تويوتا حتى من ورا المقود موقع القيادة مختلف عن السيارات الاخرى تحس انة مثالى جدا يعنى باختصار كدة سمعة اللاند كروزر ناجمة عن قدراتها على الطرقات الوعرة والتى تتفوق على اللاند كروزر كفاية صندوق السرعات وقوتة ونسبة المنخفضة والمرتفعة والمحاور وممكن تقفل مجموعة التروس ومجموعة التروس الفرقية الخلفية المتينة الاعجوبة ان اللاندكروزر رغم ضخامتها هى سيارة رشيقة جدا فى التضاريس الصعبة ومتماسكة جدا حتى على اكثر الطرق انحناء وصعودا ونزولا كفاية ان سلوك السيارة خال من اى عيوب بصراحة انا بستخدم المحرك الديزل فعلا قادر على ارهاق اكثر الطرق والانطلاق بحماس مخيف لكنها لا تناسب المدن الضيقة