|
رد: مطلوب شيفروليه كامارو للأهمية
متشكر أوي يا سيدي الفاضل على الإجابة... وكلما زدت في وصف جمالها كلما زاد إحباطي من الجمارك ...
أنا لي أقارب بسلطنة عمان وكان ممكن أشتري العربية لكن المشكلة في الجمارك لذلك فضلت إني أسأل عليها في مصر الأول بدل البهدلة وأقولك أنا حبقى أجيبها تريب تيكيت شهرين وأبيعها تاني... وربنا يباركلنا في الكورولا أهي ممشيانا وساترانا... ساعة الجمارك كل واحد يبوس إيده وش وظهر ويحمد ربنا إن عنده حاجة بتمشي إن شا الله على 3 كوتشات... متشكر أوي يا خالد |
رد: مطلوب شيفروليه كامارو للأهمية
اهو الجكرك دا اللى عامل لينا الازمه
انا كنت عاوز اجيب حاجه جامده من هنا وانزل بيها بس المشكله فى الجمرك فهعمل اللى انت قلت عليه انا الان معايا اكسنت هنا ان شاء الله هشترى حاجه جامده انزل بيها ولما ارجع تانى ابيعها انت عارف فى مصر لازم كلنا نركب زى بعض دا كلام الجمارك كلنا لازم نركب فيرنا لانوس صنى سيراتو كورولا لانسر والحاجات اللى انت عارفها دى بس |
رد: مطلوب شيفروليه كامارو للأهمية
بص
صعب تلاقيها في مصر لان فعلا سعرها مش هايقل عن 800000 جنيه 300000 دول يجيبوا بي ام يجيبوا مرسيدس الفئه سي اسبور و رياضيه و هاتجري و هاتقفل ال 200 كيلو متر في الساعه حلويين برضه لو كده اصبر شويه لحد ماتلاقي فورد موستانج مستعمله ممكن ال 300000 يجيبوا بي ام فئه الخامسه مستعمله و برضه هاتجري و مش هاتقول لا |
رد: مطلوب شيفروليه كامارو للأهمية
قلبك ابيض يا باشا لو عايز تركب عربية سبور بسعر جميل كما تفعل سيفرولية فانة فى مصر من سابع المستحيلات ازاى الحكومة لازم تعاقبك وتعذبك علشان متفكرش ولا تجرء فى يوم من الايام بركوب سيارة سبور ولك منى فائق الشكر والاحترام
|
رد: مطلوب شيفروليه كامارو للأهمية
العربيه دى خطيره جدااا
وام بي سي اكشن عامله مسابقه وهى جايزتها تحففففففه يارب اوعدنا |
| الساعة الآن 01:49 PM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017