مصر موتورز مجتمع السيارات - آخر كلام فى قضية تسخين السياره !

اقتباس:

المشاركة الأصلية كتبت بواسطة master.formats (المشاركة 136254)

طيب إذا كنت انت فعلا من الناس بتوع زمان و عربيتك عمرها أكثر من ربع قرن..
برضه مش محتاجة تسخين؟؟

وليه لو الدنيا برد بتبطل منك لو مش شادد الشفاط لو اتحركت بيها على طول؟؟

لو لاحظت الراجل صاحب المقال كان بيتكلم على السيارات الحديثه اللى ببخاخات أو رشاشات !

أو انجكشن ! و دى مع الكومبيوترز والاليكترونيكس ح يحصل لها اشعال مليون فى الميه ! حتى

فى البرد القارس أو الحر الزمهرير ! أما السيارات القديمه أم شفاط فهى مع الوقت نسب الضغط

فى حجرات الاحتراق مع القدره على شفط و توزيع البنزين بتتلخبط و مش ثابته ! و بتعتمد فى أول

التدوير على شفط البنزين بالطلمبه مع الضغط النيجاتيف نتيجة تحرك البساتم بعزم المارش اللى غالبآ

حيكون قدرة تدويره ضعيفه لآن البرد بيؤثر على قدرة البطاريه و كمان البرد الشديد بيخللى جسم الموتور

اللى هوه غالبآ حديد ( فى السيارات القديمه ) ينكمش و يؤدى لالتصاق أجزاء الموتور فى بعضها و بالتالى

زيادة الاحتكاك و صعوبة الدوران بسلاسه و توقف الموتور ! عكس السيارات الجديده حيث جسم الموتور

من الآلمونيوم أو سبيكه مقاومه لتغير الحراره ! عمليه كومبلكس ! والله أعلم !

Dr. Bolbolan ptmnlo123per122