مصر موتورز مجتمع السيارات - نقاش: بتدى عربيتك لأبنك ؟

ليه حضرتك ما تشوفش أطفال سايقين عربيات ... وميكروباصات ومتوسيكلات .... ده إحنا في مصر بعض الناس للأسف بينشكح أوي لما يقعد جنب إبنه طفل يسوق وهو جانبه في الكرسي القدماني قال يعني الواد بقه راجل .. وبعدين يعني الولد هو إللي بيسرق مفتاح العربيه ويعمل حوادث وأبوه يروح القسم وتحصل مشاكل وبعدين يرجع يسرقها تاني ده حتي يبقي أب مسطول ولا بيشرب هباب ... أم الولد جات إتأسفت للمدام عن إللي إبنها عمله ... وواضح كده إن الولد مدلع علي الأخر وها يجيب لأهله نصيبه .... متستتعجبش حضرت .. في عندنا أعجب من كده ... الأب بياخد إبنه طفل يمكن لسه في حضانه قدامه علي رجله وهوسايق ويسيب الواد يحرك العربية يمين وشمال عشان ينشكح ... بالله عليك مش قمة الإستهتار ... مش كل الناس بتخبي عيلها ... في ناس قلبها جامد ومزاج عندها تكبر عيلها قبل أوانها .... وبالمناسبة أنا عندي أربع عيال أكبرهم في أولي كلية منهم واحد في إعدادي لازم كل جمعه يجيله واحد صاحبه راكب عربية أبوه فورد وعايز ياخد الواد وينزل رفضت وإتصلت بأبوه حذرته معدش يديله العربية تاني ..... وخد دي كمان الساحة إللي قدامنا في العبور بتيجي عيال بعربيات أبوها بالليل ... يعملوا أمريكاني ولما السكان بلغوالقسم مسكو إتنين سنهم 14 و13 سنه هما اللي سايقين برده سرقوا المفاتيح من أهلهم ... ومدينة نصر ومشاكل سباق السيارات إللي أودي بحياة ناس ماسمعتش عنه ... مع إحترامي ليلك متتعجبش دي أصبحت ظاهرة بشعة.