|
رد: احصائية تهم الجميع عن البنزين
أنا كان معايا دايهاتسو شاريد ياباني حطيت 90 كانت زي الفل وبعدين حطيت 80 كانت زي الفلين لأنه أرخص كتير وماجابش أي مشاكل - دلوقتي معايا لادا ماشيه بأي حاجة 90 أو 80 ولما وجدت ما فيش فرق خالص طبعا استرخصت وفضلت أأكلها 80 والحمد لله
|
رد: احصائية تهم الجميع عن البنزين
ياجماعه و الله الكلام ده المظبوط و الكلام قلى بيتقال نصب فى نصب يعنى ايه الفرق ما بين البنزين 80 و 90 و 92 و 95 مش فى النقاوه بتاعة البنزين او جودة البنزين لالالالالا الفرق فى نسبة الضغط بتاع المكابس قلى فى البنزين بيتحكم فيها عن طريق نسبة الرصاص لا نى العربيه بدخل مقدار من البنزين فى المكبس الاحتراق و بيحترق او بينفجر العربيه بتيبقى مظبوطه على مستوى ضغط معين يعنى بنجيب بنزين بينسب العربيه بنزين 80 ليه ضغط معين و اى فئه من البنزين على حسب السعه الليتريه بتاعة العربيه يعنى لو واحد موتوره مثل 1000 سىسى مش محتاج بنزين 90 او 92 او 95 لانو نسبة الضغط هتكون عاليه قوووى واحد مثلا راكب عربيه جب شيروكى مثلا مينفعش يحد 80 لانو نسبة الضغط هتكون قليله على الباستم فا مش هتكون بالكفاءه بتاعتها يارب اكون وافقت فى الشرح |
رد: احصائية تهم الجميع عن البنزين
اقتباس:
|
رد: احصائية تهم الجميع عن البنزين
يا جماعة انا عن نفسي معايا 133 موديل 79
وبحط 90 لاني جربت فيها ال 80 خلاني بغير فلتر كتير وبيتحرق اسرع يعني كنت بروح الشغل من شبرا للهرم بمون 80 ثلات مرات في الاسبوعين ولما حطيت 90 بقيت امون مره واحده كل اسبوع غير ان العربية مع ال 80 بتكون مخنوقة جداً علي فكره عشان ما حدش يتريق السيات اللي معايا من جوه مش سيات يعني 27 علي 28 وإن شاء الله هاركبها ريداتير إضافي قريب إن شاء الله |
رد: احصائية تهم الجميع عن البنزين
انا فى السعوديه
البنزين هنا نوعان فقط بنزين 91 ثمن اللتر يعادل بالمصرى 70 قرش بنزين 95 ثمن اللتر يعادل بالمصرى 90 قرش انا معايا هيونداى اكسنت موديل 2004 وبحطلها بنزين 95 |
| الساعة الآن 09:20 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017