مصر موتورز مجتمع السيارات - مشكلة الطحينة وجوان وش السلندر

مصر موتورز مجتمع السيارات (https://www.masrmotors.com/vb/index.php)

- ميكانيكا السيارة (https://www.masrmotors.com/vb/forumdisplay.php?f=148)

- - مشكلة الطحينة وجوان وش السلندر (https://www.masrmotors.com/vb/showthread.php?t=20322)

رد: مشكلة الطحينة وجوان وش السلندر

اقتباس:

المشاركة الأصلية كتبت بواسطة AboNoRa (المشاركة 134172)

يا ابو احمد انا كمان والله اتلخبطت انت كنت بعتلى على الخاص استفسارات بخصوص تغيير البطارية وبعدين حكيتلى مشكله الدينامو وبس ايه اللى حصل للماتور كل ده والموتور ايه وحالته قبل الموضوع ده كانت ايه والعربية اصلاً ايه وعامله كيلو متر قد ايه
لكن عامه انا مع رأى الدكتور بانك تستنى ومتستعجلش وتبعد عن الصنايعيه العكاكين دول شوف انت علشان تغير بطاريه هتخش فى عمرة موتور لو كملت على كده هتغير العربية خالص اشرحلنا التفاصيل بس وادى نفسك وقت لاختبار العربية كويس

الحمد لله يا ابو نورا على كل شئ
الموتور داتشيا استاندرد بتاع العربيه ومعمرش قبل كده والعربية داتشيا 95 وعامله 140 الف كيلو
ان شاء الله انا هاستنى شويه لان الماده بتاعه الشروخ كان مكتوب عليها ان بعد يومين المفروض اغير مياه الردياتير بالكامل وكمان انا جبت مروحه ردياتير جديده هاركبها النهارده ان شاء الله واجرب بس مش عارف اغير زيت وفلتر والا لا
الميكانيكى مصر انى مغيرش زيت لانى لسه مغير من اسبوعين وبيأكد ان المياه اللى فى الزيت هاتتبخر فمش عرف بقى اغير والا استنى برده

رد: مشكلة الطحينة وجوان وش السلندر

اقتباس:

المشاركة الأصلية كتبت بواسطة AAAH (المشاركة 134211)

صح

داتشيا موديل 95

يعنى اغير الزيت واجرب والا اسيب الزيت القديم

طبعآ غير زيت علشان لو فيه تسرب أو حاجه جديده تعرف بدرى ! هوه سايبك كده علشان لو هوه طلع غلطان

بعد مده ! تكون فلوسك بردت و انت زهقت والحكايه ماتت !

وبالنسبه لوش السلندر مفيهوش شروخ بس كان مخروط قبل كده والخراط قال لو خرطناه تانى هاتحط جلبتين او جوانين مش فاكر بدل واحد

اذا كان ما فيهوش شروخ ! أمال حط الماده الحمراء دى ليه ؟؟ ما هى دى علشان الشروخ !

لو حطيت 2 جوان وش سلندر العربيه ح تشتغل برده بس نسبة الضغط داخل الاسطوانات ح تقل و السرعه

و العزم ح يقلوا خالص !

بالنسبة للفارغة ووش السلندر يعملوا 700 جنيه
الموتور كله يعمل فى حدود 1800 جنية ودى برده نفس تكلفة العمرة

لو كان الموتور ( جديد ) يعمل 1800 جنيه ! اشتريه فورآ و ريح دماغك ! أما لو استعمال لآه !

Dr. Bolbolan :waving:

رد: مشكلة الطحينة وجوان وش السلندر

اقتباس:

اذا كان ما فيهوش شروخ ! أمال حط الماده الحمراء دى ليه ؟؟ ما هى دى علشان الشروخ !

الشروخ فى بلوكة الموتور مش فى وش السلندر

اقتباس:

لو كان الموتور ( جديد ) يعمل 1800 جنيه ! اشتريه فورآ و ريح دماغك ! أما لو استعمال لآه !

الموتور مش جديد انما استيراد بتاع رينو 12 وبيركب مكان القديم بالظبط
الموتور الجديد تقريبا نفس السعر بس برده بتاع داتشيا والناس كلها قالولى بتاع الرينو هايبقى احسن وانعم
ايه رأى حضرتك؟

رد: مشكلة الطحينة وجوان وش السلندر

المختصر المفيد: انت غيرت فلتر الزيت و نضفت دايره الزيت قبل ما تغير الزيت القديم؟

لو البلوكه فيهال شروخ حلك في موتور استيراد و اشتري دماغك .. بس شوف صنايعيه عندها ضمير تشتغل في العربيه . و يمكن صعب تلاقي موتور عربيتك في الاستيراد كمان.

رد: مشكلة الطحينة وجوان وش السلندر

اقتباس:

المشاركة الأصلية كتبت بواسطة Xpert (المشاركة 134351)

انا صفيت الزيت القديم كله لأخر قطرة
وغيرت زيت وفلتر والحرارة ظبطت الى حد كبير هيا لسه طبعا مارجعتش للمعدل الطبيعى بتاعها بس حاسس ان ربنا هايكرمنى مع الوقت لحد ما الجوان يطبع
فى ناس فى الحرفيين عندهم لحام البلوكة بالليزر تعرف حاجه عن الموضوع ده؟