رد: اختبار قياده و ملاحظات على النيوسيراتو أول 700كم
 

نيجى بأه للموتور ! بصراحه أنا لم أفتح الكبوت سوى فى المعرض لكى أقيس زيت الموتور و زيت الفتيس !

و المنظر الاجمالى باسم الله ما شاء الله ! بس لاحظت انى شايف الآرض من فوق الموتور و ده معناه انها

مش مصفحه من تحت ! و ده زعلنى ! لآن التويوتا مصفحه بالكامل يعنى لو وقع منك مسمار أو حاجه لا يمكن

تنزل الآرض أبدآ ( على رأى عبد الفتاح القصرى ) ! و كمان لو خبطت من أسفل فى مطب أو بلاعه ! لاتصيب

الموتور من أسفل أو المقصات ! ولكن بعد كده بأسبوع كنت بسرعة 90 كم/ساعه و نزلت فى مطب عميق ببلاعه

عند العجله الشمال و طبعآ طلعت منه بسرعتى و أنا قلبى بيتقطع ( من الكلام اللى سمعناه عن المقصات اللى *)

( بتتكسر و بتتفرتك و المفرغه الخ ..) و فى نفس اليوم كنت راكن على رصيف عالى و نزلت من أعلى نقطه

منه مضطرآ و حسيت بخبطه شنيعه أسفل السياره ! فأكملت النزول ! و نزلت على ركبى و نظرت لآرى الآضرار !

و كانت المفاجأه انلى وجدتها مصفحه من أسفل و لكن ليس بطول و عرض حوض الموتور ! ولكن أسفل الآجزاء

المهمه فى الموتور و السربنتينه ! تصفيحه بعرض السياره ولكن عرضها هى حوالى 25 أو 30 سم فقط !

الحمدلله ! أحسن من مافيش ! نيجى بأه للى سمعناه ان المقصات بتنكسر لوحدها أو من أقل مطب ! فالحمدلله

كما ذكرت دخلت فى مطب عميق ببلاعه بسرعة 90 و بدون فرمله و لم يحدث شىء ! ونزلت بعد كده فى ييجى

10 مطبات لكن ربنا ستر ! فعلا مافيش داعى للسرعه واحترس من المطبات أكثر مما تحترس من النشالين !

نيجى برده للى سمعناه عن نشوفية العفشه ! السياره عاديه خالص فى المطبات الصناعيه عندما تأخذها بالراحه

و بحرفنه ! أما المطبات على سرعه عاليه نسبيآ ! فالعجل الآمامى بيعدى عادى زى أى عربيه ! بس العجل الخلفى

بيهبد فى الآرض و بتسمع رزعه جامده عباره عن خبطه واحده عاليه ! لكن مش صوت زقزقه أو هبد فى المساعدين

نفسهم أو صوت تكسير ! و دى علاجها برده ! الرحمه شويه فى القياده بسرعه و الحكمه فى تفادى المطبات !

وفيه ناس بتقول ان المساعدين و كمان الكاوتش بيلين و بيستريحوا بعد ال 5000 ! ربنا يديلنا طولة العمر !

و كفايه كده النهارده و يتبع غدآ ان شاء الله !

Dr. Bolbolan ptmnlo123per1147

رد: اختبار قياده و ملاحظات على النيوسيراتو أول 700كم
 

مبروك يادكتور وربنا يكفيك شرها ويديك خيرها بس خالى بالك العربية عليها طبقة شمع بلاش الفوط الناشفة عشان ماتتجرحش روح لبنزينة وخليهم يغسلو العربية غسلة جامده وهاتلاقيها اتظبطت

رد: اختبار قياده و ملاحظات على النيوسيراتو أول 700كم
 

مبروك يا دكتور تدوبها فى عرق العافية
ربنا يديك خيرها ويكفيك شرها

رد: اختبار قياده و ملاحظات على النيوسيراتو أول 700كم
 

الف مبروك يا دكتور وعقبال المرسيدس او البى ام
وربنا يديك خيرها ويكفيك شرها

رد: اختبار قياده و ملاحظات على النيوسيراتو أول 700كم
 

الهديه الغاليه للناس الغاليه يادكتور و بصراحه مافيش اغلى من القران انه يكون هديتى ليك

و بالنسبه للهبده اللى انت بتحس بيها فى العجل الخلفى فده لازم لسببين

الاول ان العربيه عفشتها الخلفيه على دنجل بمعنى ان العجلتين اللى وراء متصليين ببعض و ليست على مايكرسفون اللى هو بيكون كل فرده مستقله بذاته و بالتالى لما بيكون فى مطب ولا حاجه الفرده اللى بتاخد مطب بتخلى الفرده التانيه تتاثر معاها بعكس المايكرسفون لكن من مميزان الدنجل انه معمر جدا جدا و سهل فى الصيانه قوى او بمعنى اصح مايعتبرش ليه صيانه بعكس المايكرسفون

السبب التانى انها فعلا ليه مالينتش