رد: بنزين موبيل ولا كالتكس أفضل؟
 

أنا مونت مرة كالتكس العربية كأنها بقالها سنة جعانة كلت 14 لتر / 100كم حد يفسرهالي غير إن البنزين مغشوش البنزينة ده باستمرار فاضية بتنش و بتاعت توتال إللي جنبها طوابير لدرجة إننا ممكن ناخد ساعة في المرور من جنبها
ربنا ينقي ضمائرنا و نياتنا و يصلح حالنا

رد: بنزين موبيل ولا كالتكس أفضل؟
 

رد: بنزين موبيل ولا كالتكس أفضل؟
 

أنا لسه مجربتش البنزين بس اللي أعرفه أنه البنزينات لممتازة هي موبيل اللي عند ميدان جهينه والوطنية والبنزينات اللي على طريق الوادي الجديدة ( في 6 أكتوبر )

رد: بنزين موبيل ولا كالتكس أفضل؟
 

البنزينات كلها بتاخد من نفس المستودعات ( مصر للبترول )

اللى بيفرق بين بنزينة و التانية بعض الأشياء منها


1 - ان تكون فتحة خزان البنزين ( التانك ) قريبة من منطقة الغسيل و بالتالى بعض مياه الغسيل تدخل فى التانك و يختلط مع البنزين

2 - ان يكون الخزان لا يتم تنظيفه دوريا من الرواسب فى القاع لأن ماسورة السحب اللى بتسحب البنزين من التانك و يطلق عليها اسم ( الغاطس ) بتكون على ارتفاع من قاع الخزان بمعنى انها بتكون على ارتفاع عالى عن قاع الخزان حتى لا تقوم بشفط الرواسب فاءذا كان الخزان لا يتم تنظيفه من الرواسب دوريا تتراكم الرواسب حتى تصل الى أول ماسورة السحب و عندها تخرج بعض الرواسب مع البنزين عند تموين السيارات

3 - كل المحطات يجب أن يكون بها فلتر فى ماكينة التموين ( نفس فلتر الزيت الموجود فى الموتور ) بعض المحطات تقوم بإلغائه لأنه بيؤثر على سرعة نزول البنزين بالاضافة الى التوفير فى التكلفة

4 - بعض أصحاب المحطات يقوموا بخلط البنزين ( ضرب البنزين ) يعنى يحطوا ال 80 فى تانك ال 90 و ال90 فى تانك ال 92 و هكذا

لذلك الفرق بيكون بين محطات بعينها ( موبيل الزيتون أو موبيل امبابة ) و ليس بين شركة و أخرى ( موبيل أو التعاون أو شيل )

و الله اعلى و أعلم