|
رد: مساعدة مبتدئ فى كيا العصفورة
جه على بالى سؤال هو ممكن يكون متأخر شوية بس كنت عايز اعرف ايه الفرق بين الكيا موديل 96 عن 97 و 99 ؟
|
رد: مساعدة مبتدئ فى كيا العصفورة
عندى مشكلة فى العربية وهى انها بقت بتبطل منى لما باهدى أو لما اجى اقف خالص ، ودى مش مشكلة سواقة لانى خلاص بحمد الله رجلى اتعودت على النقل والتبديل بين الدبرياج والبنزين وكمان فى مرة من المرات اللى بطلت فيها العربية كانت رجلى دايسة على الدبرياج على الاخر فدى تبقى مشكلة ايه ؟
كمان فيه حاجة حاسس ان ليها علاقة بالموضوع وهو انى فى مرة كنت ماشى على الدائرى وكنت ماشى على الخامس وكل ما اجى انزل للنقلة الرابعة ابص الاقى اللمبات بتاعة الزيت والبطارية نورت مرة واحدة كان العربية حاتبطل الحكاية دى اتكررت حوالى اربع او خمس مرات ، تفتكروا دى مثلا رسالة تحذير للى بيحصل دلوقتى ولا ايه معناها ؟ وكمان فى الأول كانت بتدور العربية من أول مرة دلوقتى ممكن تدور بعد تانى أو ثالث محاولة . |
رد: مساعدة مبتدئ فى كيا العصفورة
هل من مجيب بالنسبة لمشكلتى اعلاه ؟
|
رد: مساعدة مبتدئ فى كيا العصفورة
المشكلة انها مش اعراض حاجة واضحة فلازم تبص على الموتور عامة والفتيس وتغذية الوقود (منظومة الحقن لو انجكشن او الكرابراتير و) والاشعال (بوجيهات سبراتير وسلوك موبينة بطارية )
وكل ده فى زياره واحدة لميكانيكى كويس لو متعرفش واحد قولى انت فين وانا شوفلك واحد قريب منك |
رد: مساعدة مبتدئ فى كيا العصفورة
الله يكرمك يا أبو نورا أنا عندى ميكانيكى كويس بس بحب لما تحصلى مشكلة ابقى عارف الاحتمالات فين علشان ابقى رايحله وأنا فاهم شوية ، وكمان أنا ماكنتش عارف مسألة وقوف العربية دى سببها حاجة فى الميكانيكا ولا الكهربا .
|
| الساعة الآن 06:10 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017