مصر موتورز مجتمع السيارات
صفحة 2 من 3 1 2 3
عرض 7 مشاركات من هذا الموضوع لكل صفحة

مصر موتورز مجتمع السيارات (https://www.masrmotors.com/vb/index.php)
-   عفشة السيارة (https://www.masrmotors.com/vb/forumdisplay.php?f=152)
-   -   مشكلة مع المساعد الامامى (https://www.masrmotors.com/vb/showthread.php?t=16853)

فادى 07-12-2009 02:24 AM
رد: مشكلة مع المساعد الامامى
 
اقتباس:
المشاركة الأصلية كتبت بواسطة michohat (المشاركة 108097)
طب دلوقتى علشان اطمن اعمل ايه
1- اروح لعفشجي يفك المساعد تانى ويشوف ال ياي و كاوتشة المساعد والمقصات
2-اشوف علبه الدركسيون ( معرفش مين اللى بيشوفها سمكرى ولا عفشجى ولا ميكانيكى )
3- اروح لسمكرى يبص على الشاسية ( واحد صاحبى وقع قلبى وقال ممكن شرخ معرفش صح ولا لا)

معرفش معنى العربية تعوم يعنى ايه بس اللى كان فيها انى بعد ما اعدى ال 100 الاقى نص العربية بيتهز اكنى ماشى فوق عيون قط بتبدء رجه فى الدركسيون وبتزيد لحد انها تهز التابلوه يعنى رجه فى النص الامامى
لا انا اقصد الكاوتشة اللى فوق المساعد بين المساعد و الركبة, و دى بتبان دون فك المساعد.
علبة الدركسيون ممكن ميكانيكى يشوفها و يغيرها.
لا داعى للسمكرى, صعب انو الشاسيه يتشرخ بدون حادثة, و بدون ما يكون المساعد بايظ.
العربية بتعوم أى الشعور بعدم التحكم فى السيارة و انو العربية تحدف و ان تضطر دائما لتصحيح المسار على السرعات المرتفعة, ببساطة بتحس بالعربية و كأنها عايمة من قدام , الاهتزاز له اسباب اخرى منها الترصيص و حالة الكاوتش.

michohat 07-12-2009 02:34 AM
رد: مشكلة مع المساعد الامامى
 
اقتباس:
المشاركة الأصلية كتبت بواسطة فادى (المشاركة 108183)
لا انا اقصد الكاوتشة اللى فوق المساعد بين المساعد و الركبة, و دى بتبان دون فك المساعد.
علبة الدركسيون ممكن ميكانيكى يشوفها و يغيرها.
لا داعى للسمكرى, صعب انو الشاسيه يتشرخ بدون حادثة, و بدون ما يكون المساعد بايظ.
العربية بتعوم أى الشعور بعدم التحكم فى السيارة و انو العربية تحدف و ان تضطر دائما لتصحيح المسار على السرعات المرتفعة, ببساطة بتحس بالعربية و كأنها عايمة من قدام , الاهتزاز له اسباب اخرى منها الترصيص و حالة الكاوتش.
بالنسبة للكاوتشة اللى بين المساعد والركبه اللى ليها زور كاوتش مغطى حته من المساعد شفت العفشجى كان بيبص عليها وهوا بيعيد تجميع المساعد تانى فأعتقد انه لو كان لاحظ عليها حاجه كان قال

علبه الدركسيون كنت عملت ليها صيانه فى شهر يناير اللى فات وان شاء الله هخلى الميكانيكى يبص عليها

بالنسبة للشاسية المساعد اللى فيه منه الصوت ده استيراد وركبته مكان المساعد القديم لانه باظ

شاكر ليك جدا سرعه التفاعل

hazem_khidr 07-12-2009 11:21 AM
رد: مشكلة مع المساعد الامامى
 
اهلا و سهلا مجدي باشا عاش من شافك:)
اللي عندك مالوش علاقه بالشاسيه لا تقلق
الموضوع كله عاوز شويه صيانه في العفشه
و برضه احتياطي روح للسمكري علشان تطمن
خليه يشوف فيه شرخ و لا لاء بس دا شئ صعب جدا
و سافر بالعربيه عادي ما تقلقش منها العربيه كويسه

michohat 07-12-2009 01:15 PM
رد: مشكلة مع المساعد الامامى
 
فينك من زمان يا حازم باشا مختفى فين
من زمان مش شفتك
كده يعنى اغلب الظن العفشة
هنزل دلوقت اعدى ع السمكرى يبص و اطلع على العفشجى يبص برضه تانى
لما رحت للعفشجى امبارح علشان العيب ده العيب مكنش ظاهر عنده و قال لى انت متهيأ لك و انه فك المساعد وبص عليه
ربنا يسهل ادينى نازل دلوقت شكلها كده هتمطر

michohat 07-12-2009 06:55 PM
رد: مشكلة مع المساعد الامامى
 
لسه داخل البيت دلوقت خدت على راسي شوية مطر انما ايه
النتيجه تم اكتشاف العيب الحمد لله وقفت العربية فى مكان مفيش فيه صوت وسبتها يجي ساعه كده وخليت العفشجى ينام تحتها و لما هزيت العربية النتيجه ايه طبعا مفيش حاجه واتكسفت اخر كسوف رحت سايب العفشجى وانا ماشى قولت احود على عفشجى تانى كنت زبون عنده خليته يربط العفشه وهو تحت انتهزت الفرصه وهزيت العربية اخيرا الصوت ظهر و سمعه قال دى من المساعد وان المساعد فيه أرضه ( قرضه) الحمد لله كده اطمنت انها من المساعد مش من حاجه تانيه
وفى السكه رحت رصرصت العجل ولسه مستنى سفرية مصر علشان اجرب العربية هتتغربل منى بعد ال100 ولا لأ


الساعة الآن 06:01 PM.
صفحة 2 من 3 1 2 3
عرض 7 مشاركات من هذا الموضوع لكل صفحة

Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017