مصر موتورز مجتمع السيارات - ما هى مميزات و عيوب السيارات الاوبل من وجهه نظرك

اقتباس:

المشاركة الأصلية كتبت بواسطة AboNoRa (المشاركة 104987)

شكراً يا تيفا على الموضوع انا شخصياً مجربتش الاوبل كاقتناء بس طول عمرى بحبها وبهتم اعرف اراء اصدقائى اللى معاهم العربيات ديهptmnlo123per154
اولاً بالنسبة للكورسا شايف ان ميزاتها انها عربية ستايل وبالتالى مناسبة للبنات والشباب بس البنات اكتر لانها مش جرايه او ادائها رياضى زى باقى الالمانى وده بعتبره عيب برضو خاصة انها مبتستحملش قرص واستخدام الشباب والموديلات اللى فيها سنسورز كتير بتبقى مصيبة لو حصل حاجة فى الموتور صيانتها صعبه ومكلفة ومبتتظبطش تانى ابداً ptmnlo123per1106

بالنسبة للفيكترا فكان لى الشرف انى اخبط فيها كذا مره :) وكل مره بتأكدلى انها عربية مصفحة من جميع الجوانب حتى بومبيهات الرفارف تحس ان وراها عضم مش صاج وبس وده اللى بيخلى العربية تقيلة وثابتة بس فى نفس الوقت اعتقد ان وزنها ده هو اللى بيخلى مكونات العفشة تبوظ اسرع من عربيات تانية ptmnlo123per1127

وياريت يا تيفا تجمع لنا لينكات بالموضوعات اللى فيها اراء الاعضاء عن الاوبل فى المنتدى علشان الموضوع يبقى متكامل افتكر فيه ناس قالت قصائد فى الاوبل قبل كده :HAPPY_~211:

حرام عليك يا ابو نورا اللى عملته ف الكورسا ده خصوصا وانى حاشترى خط انتاجها

هيا الكورسا مابتجريش لأن معظم الناس مركبه كاوتش اعرض واعلى من القياسى بتاعها وده غلط جدا ع العفشه وعلى حمل الماتور انما مع الكاوتش بتاعها بتجرى جدا كمان بس من 0 ل 100 فى 23 ثانيه معدل تسارع حلو

ال 1200 سى سى عيوبها انها ماتنفعش ف اراضى مش مسفلته بتهلك اسكترا وبيض تيش و بارات بسرعة
العربيات الأبل عامة عايزة واحد فاهمها مش اى حد يركبها او يصلح فيها
مش حاتعرف تاخد من الأوبل احسن اداء الا مع قطع الغيار الأصليه ومش مهم تكون جديدة ممكن استيراد وف بورسعيد معظم تجار الإستيراد راكبين اوبل فكترا 95 اتوماتيك 2000 سى سى وقطع غيار الأوبل هناك كتيرة نسبيا

ال 1000 سى سى عربية زباله بكل مافى الكلمة من معنى وغير اقتصاديه بالمرة

التوكيل ضرب اسعار الأوبل لأنه بينزل عربية زى الكورسا مثلا موديلين موديل ممتاز زىال 1200 وموديل زباله زى ال 1000 ضرب موديل كويس زى ال 1200 و 1400