|
رد: محتاج نصيحه و تشجيع
يعنى مثلا انا اليومين دول وديت العربيه عند الميكانيكى يشيك عليها و يظبط زيوت الفرامل وباقى الزيوت
ويقالها بتاع اسبوع معاه حاسس انى دماغى فاضيه و مش كل شويه بقى اطلع ابص عليها من البلكونه ولا ادورلها على مكان فاضى ولا غيره |
رد: محتاج نصيحه و تشجيع
استاذ احمد، زي ما الاستاذ بدر قالك...ركز في السواقة و اعرف ان مفيش حد من اللي بيتريق عليك اتولد سواق فورميلا يعني...
انت محتاج فترة ممارسة و احتكاك و مشاوير... و انت شكلك محترم و عشان كده يمكن تكون قلقان انك تعمل اي غلطة... انا بقالي 6 سنين باسوق اول ما ابتديت كنت خايف جدا زيك..و خايف اخبط وكده...بس كنت باكتر مشاويري عشان اتعلم و ابتدي سواقة في الايام الاجازة زي الجمعة او السبت ده هيديك ثقة انك تشوق مسافة طويلة و البلد فاضية ... و علي فكرة طبيعي جدا لما تحس ان جد مركز عليك في السواقة تعمل غلط... عشان كده سيبك من اي حد...وراعي ضميرك في السواقة وربنا هيكرمك و يحافظ عليك... |
رد: محتاج نصيحه و تشجيع
مش حضرتك بتقول بتسوق من 5 شهور ؟
يبقي سوق العربيه كل شويه و شيل من دماغك اي حاجه و سيبها لله بس امشي براحه و اربط حزامك و توكل علي الله كده و كله هيبقي تمام ان شاء الله انا كنت زي حضرتك كده في الاول بس دلوقتي خلاص الرهبه راحت و ربنا يستر علينا جميعا انا بسوق من شهرين بس |
رد: محتاج نصيحه و تشجيع
بدايه اهلا و سهلا بيك يا احمد و واضح من كلامك انك انسان علي خلق و محترم
ثانيا انت معندكش مشكله كل مشكلتك انك مش واخد علي العربيه و بتتعامل معاها بحذر زياده عن اللزوم و الموضوع دا عاوز تاخده واحده واحده علشان تلاقي العربيه بقت حته منك انا علي فكره من يوم ما سوقت ولا حسيت انها حمل تقيل عليا و دا لاني كنت فعلا عاوز اسوق و بحب العربيه حب فظيع حب العربيه حتحبك و دايما عاملها كانها حته منك حتلاقي نفسك بتسوق و كويس جدااااااااا |
رد: محتاج نصيحه و تشجيع
استاز / احمد
السواقه مش صعبه واى انسان بدء يسوق كان نفس الوضع بس المهم اولا تكون بتحبها لو حبيتها هتكون ان شاء الله كويس ولو خايف عمرك ما هتسوق كويس ؟ اولا مش عيب تخاف على العربيه وعلى ونفسك والعيب انك تفضل على نفس المستوى؟ هقول لحضرتك كام نقطه اتمنى يكونوا مفيدين؟ 1-التركيز وعدم الانشغال باى شئ وانت سايق؟ 2-انا فى الحاره الشمال وعاوز ادخل يمين لابد تشوف ايه على شمالك اولا وكذالك العكس ؟ 3-وانت بتعدى سياره ادى له اشاره تنبيه انك هتعديه ولابد تكون سرعتك ازيد وعدم التخطى الا وانت متاكد ان الحاره فاضيه؟ 4-مش عارف طريق واول مره هتمشى عليه اى عربيه امامك خدها دليل او اتبعها؟ وربنا يوفقك ويبعدك عن كل سوء |
| الساعة الآن 06:21 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017