رد: تويوتا تستدعي ملايين السيارات لعيوب في التصنيع
 

بالظبط كده يا حازم باشا هي فرقعة و محاولة لتشويه صورة تويوتا لمصلحة شركات السيارات الامريكية. و علي فكرة كل اعلانات شركات السيارات الامريكية مستهدفاها يعني يقولك العربية الفلانية معدل استهلاكها للوقود اقل من الكرولا و العربية العلانية اوسع من الكامري و هكذا.

اما بالنسبة للفرامل فزي ما هو واضح في الفيديو التاني ان في عربيات تاثير الفرامل يبقي ضعيف و دواسة البنزين شغالة. و ده اللي مش موجود في الفولكس مثلا زي ما وضحوا لانهم مخلين دواسة الفرامة ليها اولوية عن البنزين و عشان كده علقنا عليها انا و محمد باشا

اما بالنسبة للنقشات فانا برضة مش عارف لزمتهم و ان كنت اعتقد انك عشان تقدر تحس و تفرق بينهم من خلال رجلك و بدون ما تبص او عشان يخلوا فرصة ان رجلك تتزحلق من علي دواسة الفرامل اقل من البنزين.

رد: تويوتا تستدعي ملايين السيارات لعيوب في التصنيع
 

هو ده اللى انا قصدى عليه يا جماعة زى ما شريف باشا قال
انا بتكلم عن المرسيدس .. دواسة البنزين متثبتة فى الارض و ماتتخيلوش ده بيكون مريح قد ايه فى القيادة لمسافات طويلة ... رجلك بتكون مريحة على البنزين مش متعلقة عليه و طبعا بتكون بخطوط طولية و ذلك لتسهيل عملية زحلقة القدم عليها بدون رفعها من على الارض و بالنسبة لنقشة الفرامل فا هى لمنع زحلقة القدم عن دواسة الفرامل و خصوصا فى المواقف الصعبة أو المفاجئة.. هى يمكن ماتكونش بتفرق بنسبة كبيرة أو مش فى كل وقت ... لكن احنا بنتكلم هنا عن الاهتمام بكل شئ و الابداع فى كل شيئ :HAPPY_~211:

الالمانى المانى يا رجالة

رد: تويوتا تستدعي ملايين السيارات لعيوب في التصنيع
 

تسلم ايدك يا باشا
بس اهى عربيه يابانى محترمه و بتتباع فى دوله من دول العالم المتقدم, محدش عمل افلام هندى على العيب الجامد ده زى مبيحصل لو لون فرش عربيه كورى مش ماشى مع بدله الباشا اللى بيحب يركب يابانى
<!-- / message --><!-- sig -->