المشاركة الأصلية كتبت بواسطة ابو هيما (المشاركة 95290)

على فكرة انا مش متضايق ولأ حاجة أنك بتناقش نظرية زى دى..وهاتضايق ليه ؟!!1
كل الفكـــــــــرة أنك بتعرض موضوع وأنا بحاول أنقشه معاك ..لأنى أنا دراستى كانت متشعبة وفى مجالأت كثيرة ومنها علم النفس وزى ما الكل عارف أن فــــــــــرويد مؤسس هذا العلم كانت كتير من نظرياته مش سليمة فهى ليست مسلمات مثل كثير من نظريات العلماء الأخرين وهى كلها قابله للجدال والنقاش ..ولو كان كل واحد منهم افترض نظرية وزعل أن فى حد بيجادله زى ما أنا حاولت اجادلك واناقشك فى موضوعك كان زمان العالم واقف محله سر وماكنش حد أتقدم ..وعامة ألف شكر لك على طرح هذا الموضوع..ولك منى كل الشكر ووافر الاحترام

المشاركة الأصلية كتبت بواسطة salahabdelnabi (المشاركة 95424)

طبعا نظرية السفر عبر الزمن سواء كانت للماضى أو المستقبل مجرد نظرية بتفترض افتراضات حاليا غير متوفرة وايضا صعب ان لم يكن مستحيل توفرها
لانه ببساطة شديدة جدا لا توجد وسيلة ما تستطيع ان تصل سرعتها الى سرعة الضوء مش تتخطاها
ولو فرضا ووجدت الوسيلة دى اعتقد ان بوصولها الى سرعة الضوء ستتحول الى طاقة وليس مادة وتفقد تركيبها المادى الملموس معلومه جديده مكنتش اعرفها
لكن التقدم العلمى كل يوم فى تطور واساس التكتولوجيا دلوقتى كانت نظريات ومعادلات مكتوبة على الورق وكانت فى نظر البعض فى وقتها مجرد خرافات واساطير
مش بعيد ان يجى يوم وده يتحقق فعلا
لكن السؤال هنا بقى ولازم نشغل فيه مخنا شوية
لو ده حصل فعلا وجه الوقت اللى النظرية دى بقت حقيقة وواحد قدر يسافر للمستقبل او حتى الماضى ومات هناك
مصيره هايكون ايه فى الزمن الحاضر اللى كان عايش فيه عشان كده ظهرت نظريه الاكوان المتوازيه
أو لو حد رجع للماضى وغير مجرى حدث معين أو حرب معينة ايه اللى هايترتب عليه فى الحاضر والمستقبل
أو لحد قدر يسافر المستقبل وعرف مصيره وبعدين رجع وحب يغير المصير اللى شافه فى المستقبل يترى ايه اللى ممكن يحصل نظريه الاكوان المتوازيه بتقول ان اي حد لو سافر لبعد زمني اخر مش هيقدر يأثر في مجريات الامور فعشان كده اللي هيسافر للماضي مش هيعرف يغير حاجه في الحاضر و اللي هيسافر للمستقبل مش هيعرف يغير حاجه في حاضره لانه غريب علي البعد الزمني ده
خلاصة الكلام ان النظريات ممكن تتحقق لكن الله عليم بعباده ونفوسهم
نظريا السفرعبر الزمن ينفع لكن فعليا من رحمة ربنا علينا انه مايتحققش والا دورة الزمن كلها هاتختل ونلف فى دايرة مغلقة مالهاش اول من اخر اكيد طبعا
واللى عايز يفهم قصدى كويس يشوف فيلم احمد حلمى الاخير ( 1000 مبروك ) انا اتحاكالي عن الفيلم و الخلاصه ان كل ما يموت يطلع انه بيحلم لغايه ما مات بجد