رد: سيارة BYD الصينى
 

شكرا لجميع الاعضاء بس انا بدور على عربية يكون سعرها كويس وكمان يكون فيها وسائل امان زى الايرباج وال ABS - Ebd وتكون فول اوبشن ومش شرط اتوماتيك بس لاسف انا كانت هجيب هيواندى جيتز اتوماتيك ولكن ما فيش فيها اى وسائل امان للاسف لان غبور باشا ربنا يكرمه شايل منها وسائل الامان

رد: سيارة BYD الصينى
 

العربية موجود منها اتوماتيك فول اوبشن فى معارض شركة الامل
والعربية فعلا محترمة جدا

و كمان فى عربية Geely Mk نفس السعر تقريبا و برده فول اوبشن
حاول تبص عليهم الاثنين

لو محتاج عنوان او تليفون التوكيلين انا تحت امرك

رد: سيارة BYD الصينى
 

شكرا اخى الحبيب وياريت فعلا تقولى سعر الاتوماتيك منها وفين عنوان التوكيل انا عارف انه فى باب اللوق وياريت كمان ترشح لى لون للسيارة ان محتار بين النبيتى والفضى

رد: سيارة BYD الصينى
 

السيارة الموجودة فى توكيل الامل هى سيارة اوتوماتيك سعرها 82 الف جنيه بفتحة سقف وحساسات ركن عفشة رياضية وثابته علبى السرعات العالية الموتور ميتسوبيشى والجير بوكس توريد شركة جاتكو نيسان اليابان والعفشة كورولا شفت فى الصيانة اربع سيارات منها سيارة صاحبها هاينها جدا وعمل بيها 60 الف كيلو وبيسافر محافظات الصعيد على طول ولم يذهب الا للصيانة العادية وباقى السيارات التى رائيتها فى الصيانة لم يشتكى منها احد كعيوب جوهرية التوكيل يؤكد ان السيارة سيتم تجميعها فى مصر مانيوال فى حدود حاجة وستين الف اما كل المعلومات عن السيارة فهى فى القسم الصينى

رد: سيارة BYD الصينى
 

بالنسبة للون انا عجبى جدا اللون ال>هبى او الأسود
بس لو انت بتختار بين النبيتى و الفضى اعتقد ان النبيتى افضل انا شفت الفضى و معجبنيش
سعر السيار ة 82 الف فول اوبشن اتوماتيك
عنوان التوكيل 36 ش نزيه خليفة مصر الجديدة ت: 24520901
182 ش التحرير باب اللوق ت: 27951930
9 ش النزهة مدينة نصر ت: 24179535

يا ريت تبص برده على Geely Mk عربية هايلة و بما انك مقتنع بأن الصينى فى منه كويس انا احب اقولك ان العربية دى محترمة جدا
سعر الأتوماتاك 79.500جنيها
روح و شوفها مش حتخسر حاجة يمكن تعجبك
و مستنى رأيك عشان انا محتار جدا بين الأثنين
عنوان توكيل Geely
42 ش البطل احمد عبد العزيز المهندسين ت: 33361297
28 ش النزهة مدينة نصر ت: 24177934
خط مباشر 19042