رد: المتسوبيشى كولت؟؟؟؟
 

بص يا سيدي الشكل اللي انت بتكلم عليه ده نزل سنة 96 و استمر لغاية 2004 و كانت 3 ابواب بس
العربية كانت بتتوفر بمحركين 1300 سي سي و دي كان 75 حصان و ال 1500 سي سي كان 98 حصان و الاتنين كان سحبهم كويس خصوصا ال 1500 كان رائع. بالنسبة للكماليات كان في فئتين GL و GLX و الفروق في الحاجات العادية زي التكيف,كاسيت,رجاج كهرباء و شرحة.

العربية ده خصوصا شكلها في الوقت ده كان ثوري و كانت اي تعديلات بتليق عليها و كان في شباب كتير بيسقطولها مواتير ال EVO و العربية كانت بتتحول و ياما شوفت الكولت ال EVO بتحرج عربيات اقوي زي الموستانج و الكمارو.

العربية طبعا لم تنتشر في مصر بسبب سعرها اللي كن غالي و انها كانت 3 ابواب بس الشيئ الغير مقبول حتي من محبي الهاتشباك اللي اتجهوا لعربيات تانية زي البولو و الابيزا. عكس الخليج اللي العربية كان اغلب مستخدميها من الشباب الصغير و السواقين الجداد فالحجم مكانش بيفرق و لان تكيفها كان فريزر علي عكس العربيات الاوروبي في هذا الوقت اللي تكيفهم مكانش بمستوي الياباني

انا شخصيا جاتلي فرصة و سوقت العربية دي و كانت 1500 سي سي اوتوماتيك و بصراحة ذهلت من سحبها العربية جراية جدا و حجمها بيشجعك علي الغرز و اللعب بيها و ثباتها كان كويس جدا و ان كان برضوا لا يماثل الالماني زي البولو و الابيزا مثلا.

و ادي كام صورة للموديل

http://bin.staticlocal.ch/c4y/9e/9ef...9/fullsize.jpg
http://www.autoplenum.de/Bilder/P/p0...1997-1997-.jpg

http://www.autoplenum.de/Bilder/P/p0...1997-1997-.jpg

اتمني اكون قدرت افيدك

رد: المتسوبيشى كولت؟؟؟؟
 

رد: المتسوبيشى كولت؟؟؟؟
 

رد: المتسوبيشى كولت؟؟؟؟
 

العفو يا باشا و انا في الخدمة
و انا مش خبير في الكولت ولا حاجة انا بس كنت معجب بيها جدا ايام ثانوي و مهتم بالمعلومات عنها و جربتها من حوالي سنة او اكتر مع زميل ليا
اما في المقارنة بينها و بين الابيزا فانا بعد ما جربت الالماني و شفت ثباتة و امكانياتة
اختياري هيبقي الابيزا بصراحة بس ال 1600 مش اقل من كدة

رد: المتسوبيشى كولت؟؟؟؟