رد: محتار جدا
 

والله حضرتك الفورد لا غبار عليه من حيث الثبات والقوه والامان وكل حاجه انا شخصيا معايا فورد فيسيتا 2000.. بس هتلاقي شويه ناس غريبه كده هيفضلوا يقوللك بلاش فورد ملهاش سوق في مصر ملهاش قطع غيار ملهاش ملهاش ملهاش .. لازم تكون واثق ان 95% من الناس دي عمرهم ما ركبوا فورد اصلا .. هما بس بيسمعوا .. حكايه قطع الغيار الغاليه تتلخص في انك بتغير قطع الغيار ( الي الفرق بينها وبين الكوري لا تزيد عن 100 جنيه للحاجات الغاليه اووي )) كل سنه مثلا سنه ونص لكن العربيات التانيه بتجبيها رخيصه لكن بتغيرها مرتين او 3 في نفس الفتره .. هو ده الملخص .. لكن انت في الاخر راكب عربيه لما بتجيب 160 بتحس انك لسه في 80 مش زي الكوري بعد 100 بتلاقيها بتعوووم .. لكن في مصر بيدوا سمعه علي اي حاجه ويصدقوها وتتناقل بقي ...

رد: محتار جدا
 

يعني حضرتك شايف إن الفورد كده سعرها كويس و سعر إعادة البيع بتاعها كويس خصوصا إنها فابريكة برة و جوة مش راشة غير الباب اليمين ورا و بدون معجون

Sent from my SM-A500H using Tapatalk

رد: محتار جدا
 

أنا إستقريت على البيجو 405 و هروح أشوفها يوم الجمعة بإذن الله ..
نصايحكم إيه و أبص على إيه فيها ؟؟
هي المفروض فابريكة دواخل و موديل 91 كاملة أتوماتيك وبسعر 33500

Sent from my SM-A500H using Tapatalk

رد: محتار جدا
 

عليك بأخذ سمكرى ثقة ثم الكشف على الموتور والجير بوكس عند متخصص بيجو عنده كابل وجهاز فحص
يسر الله أمرك على أفضل ما يكون