مصر موتورز مجتمع السيارات - تجربة سيئة مع وكيل سايبا : ناشيونال موتورز

مصر موتورز مجتمع السيارات (https://www.masrmotors.com/vb/index.php)

- برايد Pride (https://www.masrmotors.com/vb/forumdisplay.php?f=136)

- - تجربة سيئة مع وكيل سايبا : ناشيونال موتورز (https://www.masrmotors.com/vb/showthread.php?t=140484)

رد: تجربة سيئة مع وكيل سايبا : ناشيونال موتورز

اقتباس:

المشاركة الأصلية كتبت بواسطة engineer05 (المشاركة 1021905)

ربنا يكرمك يا بشمهندس وائل ... أنا نيتي حتى الآن إني أغير الموتور خالص عشان أستريح من وجع القلب والدماغ دة ... دة بالنسبة للعربية, أما بالنسبة للتوكيل فهعمل شكوى في حماية المستهلك إن شاء الله
الحقيقة أنا أخدت الصدمة كلها مرة واحدة ... أنا كنت فاكر إنهم بيشوفوا شغلهم وبيعملوا اللي عليهم لغاية آخر واقعة دي فسرت حاجات ومواقف كتير كنت بقول إني متحامل عليهم فيها
هحاول إن شاء الله أحدث الموضوع بأي جديد إن شاء الله

مع وافر إحترامى وتقديرى ومشاركتى لحضرتك فى همك ومصابك وإحساسى بكل كلمه وكل لحظه عدت على حضرتك من يناير وحتى الآن .. بس أنا أعتقد إن جهاز حماية المستهلك مش مفيد فى مصر ولما المواطن بيلجأ له بيبقى كأنه خبط رأسه فى أتخن حائط . لأنهم بيضعوا العراقيل ويحطوا شروط وعوائق وطلبات تعجيزيه لغاية ما يخلوك تيأس وتصرف نظر عن شكواك .
وفى حالة حضرتك انت مش معاك ما يثبت كلامك من رفضهم إستلام السياره . دا نمره 1 . ونمره 2 إن عنصر الوقت اللى عدى على السياره كل المده دى مش فى صالحك لأنه من الممكن ان تكون المشكله حدثت نتيجة إستخدام السياره كل هذه المده . أو حد إشتغل فى السياره بره التوكيل وهو اللى خربها . يعنى قصدى ان حججهم كتير وتضييع وقت وحرقة دم على الفاضى . الله يكون فى عونك و ( إبتسم .. أنت فى مصر )

رد: تجربة سيئة مع وكيل سايبا : ناشيونال موتورز

اقتباس:

المشاركة الأصلية كتبت بواسطة سيف الدين سعيد (المشاركة 1022038)

اللي حصل زي ما انت قولت بالضيط يا أستاذ سيف ... حماية المستهلك قالي طالما فترة الضمان خلصت يبقى مالناش دعوة بيك ولو عايز تعمل شكوي روح اعملها في هيئة الاستثمار ....
العربية مركونة دلوقتي من ساعتها والبطارية باظت من الركنة هيا كمان عشان تكمل ... الحمد لله

اقتباس:

المشاركة الأصلية كتبت بواسطة سيف الدين سعيد (المشاركة 1022038)

وفى حالة حضرتك انت مش معاك ما يثبت كلامك من رفضهم إستلام السياره . دا نمره 1 . ونمره 2 إن عنصر الوقت اللى عدى على السياره كل المده دى مش فى صالحك لأنه من الممكن ان تكون المشكله حدثت نتيجة إستخدام السياره كل هذه المده . أو حد إشتغل فى السياره بره التوكيل وهو اللى خربها . يعنى قصدى ان حججهم كتير وتضييع وقت وحرقة دم على الفاضى . الله يكون فى عونك و ( إبتسم .. أنت فى مصر )

مع الأسف ... في دول تانية كان التوكيل جابلك عربية تانية زيرو لو هما اللي غلطوا وبهدلوا العربية زي ما عملوا معايا

ناوي آخد العربية الأسبوع الجاي إن شاء الله للورشة اللي كنت بعمل فيها الصيانات زمان يمكن يعرفوا يظبطوها ... الله المستعان
دعواتكم يا رجالة

رد: تجربة سيئة مع وكيل سايبا : ناشيونال موتورز

السلام عليكم

الحمد لله تم إصلاح السيارة ... وزي ما كنت متوقع العربية كانت محتاجة شمبر ووش سليندر جديد مع بعض الإصلاحات التانية
ودة طبعا بيدل على إن الجوان اللي اتركب من كام شهر عند التوكيل تم عمله بأقصى درجات الحرفية والإتقان والأمانة, مش كدة ولا إيه؟
يعني أغير جوان وبعد أقل من ألف كم بالعربية تجيب شمبر يبقى أكيد العيب الجوان الجديد واللي ركبه وأخد مقاساته ... وحسبنا الله ونعم الوكيل
خلاصة القول :لو خايف على عربيتك يا جماعة ابعد عن ناشيونال موتورز

وشكراً لاهتمامكم ومتابعتكم معايا طول الفترة اللي فاتت
أخوكم / محمد