رد: ثبات ال لادا على الطريق
 

انا جربت العربيتين
طبعا الفرنا افضل فى السؤلين فرامل وثبات

رد: ثبات ال لادا على الطريق
 

مشكلتك فى حساس الكولانت او حساس الحرارة
اما ان فيشتة مش راكبة مكانها او انة تالف عاوز يتغير
رجاء اخى الكريم فيما بعد لو عند حضرتك سؤال اعملة فى مشاركة منفصلة ....النتيجة هاتكون افضل بكتير
بنعتزر يا ابو كوكو بس الاخ لسة مشرفنا فى المنتدى واكيد ما اخدش بالة

رد: ثبات ال لادا على الطريق
 

يا كبير
حضرتك كلك زوق

والاخ كان واضح انه جديد
وانا طلبت ان الادارة تعمل مشاركته موضوع جديد بقصد انه يستفاد اكثر

ربنا يكرمة - ويكرم حضرتك بكل خير

رد: ثبات ال لادا على الطريق
 

سؤالى عن الثبات و الفرامل
علشان لما بنقعد في جلسة وبتيجى سيرة العربيات
والكل بيحكى عن عربيته او عربيات تانية
وبلاقي ان الكلام موجه للادا كانها مجهول الا من ناحية واحده

انها دبابة فى صورة عربيه
هههههههههههههه

مايعرفوش ان المصري منها ورق ورق

وعن نفسي لا املك خبرات سابقه لاقارن ال لادا بالسيارات الاخري المعروفة

كان عندى فيات 125
وحاليا عندى ال لادا

وسقت عربيه ربع نقل دبل كابينه على طريق البحر الاحمر الاسماعيلية
دى تجاربي فى سواقه السيارات

وقبل ما انسي
في تجرات وطلبت من زميل تجربة نيسان صينى بتاعته
و من البداية يدوب اتحركت بيها
ورحت مبطلها ونزلت
وقلت له متنعفش معايا ههههههه
دى تاتش وانا اللى عندى -- عتالة --
ده و انا بركن بحس ذراعاتى -- بتتملخ --
وبحس بوجع فى بطن رجليا من شدة الدوسة وبالذات الفرامل و الدبرياش
وبعرف انى عديت ال90 او ال 100 كيلو من اصوات العربية من غير ما ببص على العداد
وبعرف ان الحرارة رافعه لما العربيه تعمل حركات غريبه وتتبرجل
ده غير حركات عجب بتكسفنى كتير مع الصنايعيه اروح لهم اقول على عطل
والعربية بك عند تشتغل زى الفل ههههههههههههه
وكمان بحالات مع نفسها تقلاقي اصوات تطلع من مصادر واتجاهات مختلفه تزييق وصوصه واحتكاك ووو وممكن مع نفسها برضه تبقي هادية جدا وعربية بنت ناس هههههههههه


انا اسف نسيت نفسي
وحكى على العزيزة الغالية عربيتى اللادا

رد: ثبات ال لادا على الطريق
 

يا باشا ربناىيباركلك فيها
حاول تحب عربيتك عشان هى كمان تحبك
صدقنى الحديد بيحس
زمان وانا صغير كنت بشوف بابا الله يرحمة .....كان بيحنن العربية علية لما يكون فيها عطل ويفضل يكلمها اكنها انسان
حب عربيتك وصدقنى مع العشرة والايام لو بعتها هاتزعل عليها مهما كانت تعباك