مصر موتورز مجتمع السيارات - المروحة شغالة مع تدوير السيارة ؟؟؟؟

مصر موتورز مجتمع السيارات (https://www.masrmotors.com/vb/index.php)

- ﻻنوس (دايو - شيفروليه) (https://www.masrmotors.com/vb/forumdisplay.php?f=153)

- - المروحة شغالة مع تدوير السيارة ؟؟؟؟ (https://www.masrmotors.com/vb/showthread.php?t=138212)

رد: المروحة شغالة مع تدوير السيارة ؟؟؟؟

الف شكر على التفصيل الدقيق للمشكلة يا استاذ khaled_k21 هاعمل المطلوب واوافيك باللى حصل ادعوا لمصر والامة العربية ان ربنا يرفع عنا البلاء

رد: المروحة شغالة مع تدوير السيارة ؟؟؟؟

طب سيبولنا حاجة نقولها
بجد الله ينور على الجميع.........

رد: المروحة شغالة مع تدوير السيارة ؟؟؟؟

اقتباس:

المشاركة الأصلية كتبت بواسطة khaled_k21 (المشاركة 1009889)

الاخ الكريم

اعانك الله علي ما انت فيه

اولا لازم نفهم مع بعض ايه اللي بيحصل عشان تعمل الخطوات مظبوطه

دائرة التبريد في السياره تعتمد علي الثرموستات و دا هو اللي الاخ الكريم بيقولك تغير الحساس
ايه فايده الثموستات ؟ انه لما توصل حرارة الميه مثلا الي 80 درجه بيحصل داخله حركه ميكانيكيه و بيوصل طرفين سلك ببعض يقوم موصل الكهربا الي المروحه عن طريق الكتاوت

طيب سيادتك ليه العداد مش شغال لسبب بسيط جدا انك اول ما بتدور العربيه المروحه بتشتغل و بكده مش هاتسخن الميه اصلا و بالتالي العداد مش هايشتغل دايما هتلاقيه واقع علي اول شرطة و يمكن مابيتحركش

الخطوات اللي لازم تعملها
1- تراجع علي الخراطيم كلها و التالف تغيرة
2- تتاكد ان مافيش تسريب ميه من اي حته و دي هتلاحظها بانك تبص تحت العربيه
3- هاتبص علي الراديتير هتلاقي فيه تحت في الركن اليمين حاجه كده و طالع منها سنيين ( سنه ) بيدخل فيهم ترملات هو دا الثرموستات
4- دور علي سلك جنب الرداياتير هتلاقي سلكتين فيهم ترملين الكهربائي اكيد موصلهم في بعض فكهم عن بعض و وصلهم في الثرموستات

5- دور العربيه و استني لحد ما تسخن ( بس مش اوي ) علي الدرجه اللي انت متعود ان المروحه بتشتغل فيها - لو المروحه دارت و فصلت يبقي تمام - لو مادارتش هاتروح لميكانيكي يغيرلك الثرموستات - لو مافيش هاتتطر انك تفكه بنفسك و تجيب نفس الدرجه ( 80-90 ) مثلا

و ابقي طمنا عملت ايه

ربنا يسترها إن شاء الله

بارك الله فيك على الشرح الوافى .. فى توضيح بسيط بين الحساس والترموستات حضرتك تقصد الترموستات اللى بيشغل المروحة دة هوا برضو اللى بيشغل عداد الحرارة الاثنان مشتركين فى حساس واحد فى هذة الحاله يطلق عليه حساس وليس ترموستات الترموستات موجود فى كوعة المياة ودة بيفتح على درجة حرارة معينة وليس له علاقة بلمروحة اسف على الاطاله

رد: المروحة شغالة مع تدوير السيارة ؟؟؟؟

الاخ الكريم / mr.astra
انت بالفعل استاذنا جميعا و كم من مرات تعلمنا و افدتنا من خبرتك التي لا تبخل بها علي احد
و ان كنت سبقت بمعلومه صغيرة فهي لا توازي اي شئ من كرمك علينا

الاخ الكريم / ali_zahran
اشكرك علي التعقيب و لكن اسمحلي بتعقيب علي التعقيب
ربما اكون قد فهمت قصد حضرتك بكلمه حساس خطأ و التبس علي الامر فالتمس منك العذر
لكن احب ان اوضح شئ :

- ان المروحه بتشتغل لما الثرموستات بيقفل الدايرة
- الحساس بيبقي موجود فعلا في الموتور و دي بتبقي مقاومه كهربائية و بتنعكس مقاومتها علي العداد اللي في الطبلوة
- ترموستات الكوعه فعلا مالوش علاقة بالمروحه مطلقا و كل فائدته ان بيحافظ علي درجه حرارة الموتور طبقا لتصميم الصانع لضمان استهلاك اقل للبنزين و اداء اعلي للموتور و يحافظ عليه

يبقي اذن عندنا 3 حاجات ( حساس حرارة و ده ليه علاقه مباشرة بالعداد و مالوش اي ارتباط بالثرموستات و لا بثرموستات الكوعه )

( ثرمستات الكوعه و دا مالوش دعوة بحد و لا حد ليه دعوة بيه )

ثرموستات اللي في الرادياتير و دا المسئول الاول عن المروحه و المسئول التاني هو الكتاوت المسئوله بصفه مباشره مع المروحه )

تقبل تحياتي و الف شكر علي التصحيح