رد: استفسار ضرورى
 

اسف للتاخير
حساس السرعة راكب على الكارونة بتربط بمسمار 10 واحد فقط والحساس تمنة حوالى 80 جنية
لمبة الصيانة ملهاش اى علاقة بالسرعة او غير السرعة وانما لمبة بتخبرك بميعاد الصيانة وبتنور كل 5000كم وليها طريقة عشان تطفيها نؤلها بالمرة
1-حط المفتاح فى الكونتاكت بدون ادارة
2- دوس على زرارتصفير العداد (اللى على اليمين)
3- افتح كونتاكت بدون ادارة وفى نفس الوقت شيل صباعك من على الزرار المذكور واضغط على كل من الزراررين بنفس الوقت زرار تصفير العداد + زرار الرحلات ......لمدة 5 ثوان
هتلاقى اللمبة على شكل مفتاح انجليزى باللون الاحمر طفت

اما لمبه ABS فهى شغالة نتيجة ان فى اسلاك حساس مقطوعة
وبالمناسبة عند حضرتك عدد 2 حساس ABSمش 4 وموجودين فى العجل الامامى فقط
عشان اللمبة تطفى لازم سلوك الحساسات المذكورة تتوصل مع سلوك الضفيرة ولو السلك بتعهم مقصر او متاكل ممكن تطول السلك بحتة سلك ترمو بلاستيك 1 مم وتعزلهم بشكرتون كويس جدا
ولو عملت كدة وراجعت على مستوى زيت الفرامل اللمبتين هايطفو ان شاء الله

اما لمبة تيل الفرامل ملهاش حل غير انك تقفل سلوك الضفيرة على بعض لان مفيش فى السوق فيشة الخاصة بتيل الفرامل فحلها اللى ملوش اى ضرر انك تقفل سلوكهم على بعض (دايرة قصر ) وهو دة اللى بيعملة التيل انة بيقفل السلوك على بعض ولما التيل يبدا يخلص السلوك بتلمس الطنبورة فبتعمل ON للمبة تيل الفرامل
اقصد ان مفيش اى لعب فى ضفيرة العربية ولا هو حاجة غلط

رد: استفسار ضرورى
 

رد: استفسار ضرورى
 

الرد على السؤال كان فى المشاركة السابقة